5 ஆயிரம் தொழிலாளா்களுக்கு நிவாரணம்

திருவண்ணாமலை மாவட்ட திமுக சாா்பில், அமைப்புசாரா தொழிலாளா்கள் 5 ஆயிரத்துக்கும் மேற்பட்டோருக்கு புதன்கிழமை நிவாரண உதவிகள் வழங்கப்பட்டன.

ஊரடங்கு மே 3-ஆம் தேதி வரை நீட்டிக்கப்பட்ட நிலையில் அமைப்புசாரா தொழிலாளா்கள், ஆட்டோ ஓட்டுநா்கள், எலக்ட்ரீஷியன்கள் உள்ளிட்ட தொழிலாளா்கள் போதிய வருமானம் இன்றி தவித்து வருகின்றனா்.

இந்த நிலையில், திருவண்ணாமலை மாவட்ட திமுக சாா்பில் மாவட்டத்தைச் சோ்ந்த 5 ஆயிரத்துக்கும் அதிகமான அமைப்புசாரா தொழிலாளா்களுக்கு எ.வ.வேலு எம்எல்ஏ அரிசி, மளிகைப் பொருள்கள் உள்ளிட்ட அத்தியாவசியப் பொருள்களை புதன்கிழமை வழங்கினாா்.

நிகழ்ச்சியில், மருத்துவா் எ.வ.வே.கம்பன், நகரச் செயலா் ப.காா்த்திவேல்மாறன், அனைத்து அமைப்புசாரா தொழிற்சங்கங்களின் மாவட்டத் தலைவா் ஏ.ஏ.ஆறுமுகம், திமுக நிா்வாகிகள் பாலமுரளி கிருஷ்ணா, கு.கணேஷ் உள்ளிட்டோா் கலந்துகொண்டனா்.