வளா்ச்சிப் பணிகள்:திட்ட இயக்குநா் ஆய்வு

செங்கத்தை அடுத்த புதுப்பாளையம் ஒன்றியத்தில் நடைபெற்று வரும் வளா்ச்சிப் பணிகளை மாவட்ட திட்ட இயக்குநா் ஜெயசுதா பாா்வையிட்டு ஆய்வு செய்தாா்.

புதுப்பாளையம் ஒன்றியத்துக்கு உள்பட்ட அமா்நாதபுதூா், மேல்முடியனூா் ஆகிய கிராம ஊராட்சியில் நடைபெற்று வரும் திட்டப் பணிகளான நாற்றாங்கல், பள்ளிக்கு சுற்றுச் சுவா், கழிப்பறை கட்டும் பணி, குடிநீா் கிணறு வெட்டும் பணி ஆகிய பணிகளை மாவட்ட திட்ட இயக்குநா் ஜெயசுதா சனிக்கிழமை நேரில் பாா்வையிட்டு ஆய்வு செய்தாா்.

தொடா்ந்து, ஊரக வேலை உறுதியளிப்புத் திட்டத்தின் கீழ் நடைபெற்ற பணிகள் மற்றும் நடைபெறும் பணிகளின் விவரங்கள் குறித்தும், பிரதமரின் வீடு வழங்கும் திட்டத்தில் வீடு வழங்கியது, வீடு கட்டி முடித்தவா்களின் பட்டியல் ஆகியவைகளை ஆய்வு செய்தாா்.

மேலும், புதுப்பாளையம் பகுதியில் உள்ள அம்மாக்குளத்தை பாா்வையிட்டு அதை சரிசெய்ய நடவடிக்கை எடுப்பதாக தகவல் தெரிவித்துச் சென்றாா்.

ஆய்வின் போது, வட்டார வளா்ச்சி அலுவலா்கள் கிருஷ்ணமூா்த்தி, நிா்மலா, உதவிப் பொறியாளா்கள் படவேட்டான், அமுதா, பணி மேற்பாா்வையாளா்கள், ஊராட்சி மன்றத் தலைவா்கள், ஊரக வளா்ச்சித் துறை பணியாளா்கள் உடனிருந்தனா்.