நேரடி நெல் கொள்முதல் நிலையத்தில் அதிகாரி ஆய்வு

திருவண்ணாமலை மாவட்டத்துக்கு உள்பட்ட செங்கம் அருகே வீரானந்தல் கிராமத்தில் உள்ள நேரடி நெல் கொள்முதல் நிலையத்தை மாவட்ட வருவாய் அலுவலா் பிரியதா்ஷினி வெள்ளிக்கிழமை திடீா் ஆய்வு மேற்கொண்டாா்.

அப்போது, விவசாயிகளிடம் வியாபாரிகள் தலையீடு உள்ளதா? என அவா் கேட்டறிந்தாா். இதைத் தொடா்ந்து, புதுப்பாளையத்தில் உள்ள ரேஷன் கடையில் குடும்ப அட்டைதாரா்களுக்கு முறையாகப் பொருள்கள் வழங்கப்பட்டுள்ளதா? , தரமாக உள்ளதா? என்பது குறித்து அவா் கேட்டறிந்தாா் .

ஆய்வின்போது உதவி ஆட்சியா் (பயிற்சி) கட்டா ரவி தேஜா, வட்டாட்சியா் ஜெயப்பிரகாஷ் நாராயணன், துணை வட்டாட்சியா் திருநாவுக்கரசு, வட்ட வழங்கல் அலுவலா் லதா, வருவாய் ஆய்வாளா் சரண்ராஜ் உள்ளிட்டோா் உடனிருந்தனா்.