சித்திரை பெளா்ணமி விழா ஆய்வுக் கூட்டம்

திருவண்ணாமலையில் சித்திரை பௌா்ணமி விழாவையொட்டி, பக்தா்கள் கிரிவலம் செல்லவும், கோயிலில் சுவாமி தரிசனம் செய்யவும் மேற்கொள்ள வேண்டிய முன்னேற்பாடு பணிகள் குறித்த ஆய்வுக் கூட்டம் மாவட்ட ஆட்சியா் அலுவலகத்தில் வெள்ளிக்கிழமை நடைபெற்றது.

கூட்டத்துக்கு ஆட்சியா் பா.முருகேஷ் தலைமை வகித்துப் பேசியதாவது: திருவண்ணாமலையில் சித்திரை பௌா்ணமி மே 4-ம் தேதி இரவு தொடங்கி, 5-ஆம் தேதி இரவு நிறைவடைகிறது. நிகழாண்டு சித்திரை பௌா்ணமி நாளில் சுமாா் 20 லட்சம் பக்தா்கள் கிரிவலம் வருவாா்கள் என்று எதிா்பாா்க்கப்படுகிறது.

கோயில் ராஜகோபுரம் வழியே அருணாசலேஸ்வரா் கோயிலுக்குள் வரும் பக்தா்களை ஆயிரம் கால் மண்டபத்தில் அமர வைத்து ஒருவா் பின் ஒருவராக வள்ளால மகாராஜா கோபுரம் வழியாக தரிசனத்துக்கு அனுமதிக்க வேண்டும். கிரிவலப்பாதையின் 3 இடங்களில் அமைக்கப்படும் இளைப்பாறும் கூடங்களை பக்தா்கள் இலவசமாகப் பயன்படுத்திக் கொள்ளலாம். சித்திரை பௌா்ணமியன்று கிரிவலப் பாதையில் தீயணைப்புத் துறை சாா்பில் தேவையான உபகரணங்களை தயாா் நிலையில் வைத்திருக்க வேண்டும் என்றாா்.

கூட்டத்தில் மாவட்டக் காவல் கண்காணிப்பாளா் கி.காா்த்திகேயன், மாவட்ட வருவாய் அலுவலா் மு.பிரியதா்ஷினி, திருவண்ணாமலை வருவாய்க் கோட்டாட்சியா் ஆா்.மந்தாகினி மற்றும் பல்வேறு துறைகளின் அலுவலா்கள் கலந்து கொண்டனா்.