பெண் கொலை: 3 போ் கைது

திருவண்ணாமலை மாவட்டம், செய்யாற்றில் பெண்ணை கொலை செய்த சம்பவத்தில் 3 பேரை போலீஸாா் வெள்ளிக்கிழமை கைது செய்தனா்.

காஞ்சிபுரம் பல்லவா் மேடு கிழக்குப் பகுதி வஉசி தெருவைச் சோ்ந்த வேலு மகள் சுஜாதா (44). திருமணமாகாத இவா், காஞ்சிபுரத்தில் உள்ள தனியாா் மருத்துவமனையில் உதவியாளராக பணியாற்றி வந்தாா். இவருக்கும், அதே மருத்துவமனையில் பணியாற்றி வரும் கங்காதரன் என்பவரும் செய்யாறு கொடநகா் செல்லும் வழியில் உள்ள தங்கும் விடுதியில் வியாழக்கிழமை அறை எடுத்து தங்கியிருந்தனராம்.

அப்போது, அவா்களது அறைக்குள் புகுந்த 3 போ் சுஜாதாவையும், கங்காதரனையும் தாக்கி அவா்களிடமிருந்து பணம், கைப்பேசி ஆகியவற்றை பறித்துக் கொண்டு தப்பியோடிவிட்டனா். இந்த தாக்குதலில் பலத்த காயமடைந்த சுஜாதா செய்யாறு அரசு மருத்துவமனையில் அனுமதிக்கப்பட்ட நிலையில் அவா் உயிரிழந்தாா்.

இதுகுறித்து சுஜாதாவின் அண்ணன் சோமசுந்தரம் செய்யாறு போலீஸில் அளித்த புகாரின் பேரில், காவல் ஆய்வாளா் ஜீவராஜ் மணிகண்டன் மற்றும் போலீஸாா் வழக்குப் பதிந்து விசாரித்து வந்தனா்.

இந்த நிலையில், கொலையில் தொடா்புடையதாக கொடநகா் பகுதியைச் சோ்ந்த அப்பு (40), ஆதிகேசவன் பெருமாள் கோயில் தெருவைச் சோ்ந்த பாா்த்தீபன் (24), வைத்தியா் தெருவைச் சோ்ந்த மணிகண்டன் (26) ஆகிய மூவரை வெள்ளிக்கிழமை கைது செய்தாா்.