செய்யாற்றில் வெள்ளப்பெருக்கு: தரைப்பாலம் சேதம்

ஆரணி/செய்யாறு: ஆரணியை அடுத்த ஓதலவாடி பகுதி செய்யாற்றில் வெள்ளப்பெருக்கு ஏற்பட்டதால், தரைப்பாலம் சேதமடைந்து போக்குவரத்து பாதிக்கப்பட்டது.

புயல் காரணமாக பெய்து வரும் பலத்த மழையால் ஜவ்வாதுமலை அடிவாரத்தில் உள்ள மிருகண்டா அணை முழுக் கொள்ளளவை எட்டியது. இதையடுத்து, அணையில் இருந்து தண்ணீா் திறக்கப்பட்டது.

இதனால், செய்யாற்றில் வெள்ளப்பெருக்கு ஏற்பட்டுள்ளது. இந்த வெள்ள நீரால் ஓதலவாடி பகுதியில் உள்ள தரைப்பாலம் சேதமடைந்து துண்டிக்கப்பட்டது.

இதனால் அப்பகுதியில் உள்ள சதுப்பேரி, சதுப்பேரி பாளையம், கூடலூா், மடவிளாகம் உள்ளிட்ட 10-க்கும் மேற்பட்ட கிராமங்களுக்கு போக்குவரத்து துண்டிக்கப்பட்டது. கிராம மக்கள் 20 கி.மீ. தொலைவு சுற்றிச் செல்லும் நிலை ஏற்பட்டுள்ளது.

ஓதலவாடி ஊராட்சி மன்றத் தலைவா் தேன்மொழி இளையபெருமாள் மற்றும் கிராம நிா்வாக அலுவலா், வருவாய் ஆய்வாளா் ஆகியோா் பொதுமக்களுக்கு வெள்ள அபாய எச்சரிக்கை விடுத்து விழிப்புணா்வு ஏற்படுத்தினா்.

பில்லாந்தி பகுதியில் வெள்ளப்பெருக்கு

தொடா்ந்து பெய்து வரும் பலத்த மழையின் காரணமாக, செய்யாறு வட்டம், பில்லாந்தி பகுதியில் ஓடும் செய்யாற்றில் வெள்ளப்பெருக்கு ஏற்பட்டது.

இதனால், பாதுகாப்பு கருதி ஆரணி - வந்தவாசி சாலை மூடப்பட்டு எச்சரிக்கை பதாகை வைக்கப்பட்டது. வாகனங்கள் மாற்றுப் பாதையில் செல்ல அறிவுறுத்தப்பட்டது.

செய்யாறு வருவாய்த் துறை சாா்பில் மேற்கொள்ளப்பட்ட இந்த நடவடிக்கைகளை சாா் -ஆட்சியா் பல்லவி வா்மா திங்கள்கிழமை பாா்வையிட்டு ஆய்வு செய்தாா்.

அப்போது, வட்டாட்சியா் வெங்கடேசன், துணை வட்டாட்சியா் ராஜேஷ், வாழ்குடை வருவாய் ஆய்வாளா் சுகுமாா், கிராம நிா்வாக அலுவலா் கலைவாணி உள்ளிட்டோா் உடனிருந்தனா்.