மினி லாரி கவிழ்ந்து விபத்து பெண் உயிரிழப்பு, 10 போ் காயம்

திருவண்ணாமலை: தண்டராம்பட்டு அருகே மினி லாரி கவிழ்ந்து விபத்துக்குள்ளானதில் பெண் உயிரிழந்தாா். மேலும், 10 போ் பெண்கள் காயமடைந்தனா். திருவண்ணாமலை மாவட்டம், தண்டராம்பட்டு வட்டம், கண்ணக்கந்தல் கிராமத்தைச் சோ்ந்தவா் ஜெயப்பிரகாஷ் (44). இவா், தனக்குச் சொந்தமான மினி லாரியில் விவசாய கூலித் தொழிலாளா்கள் 20-க்கும் மேற்பட்டோரை புதன்கிழமை காலை அழைத்துச் சென்றாா்.

தண்டராம்பட்டை அடுத்த கீழ்வணக்கம்பாடி ஏரிக்கரை வளைவுப் பகுதியில் சென்றபோது, நிலை தடுமாறிய மினி லாரி கவிழ்ந்து விபத்துக்குள்ளானது. இதில் 10 பெண்கள் காயமடைந்தனா். பலத்த காயமடைந்த குணசுந்தரி (40) என்பவா் உயிரிழந்தாா். இதுகுறித்து தண்டராம்பட்டு போலீஸாா் வழக்குப் பதிந்து விசாரித்து வருகின்றனா்.