வாக்காளா் கணக்கீட்டுப் படிவம் விநியோகம்: எம்.எல்.ஏ.ஆய்வு

செய்யாறு பகுதியில் வீடு வீடாக வாக்காளா் கணக்கீட்டுப் படிவம் விநியோகிக்கப்படுவதை தொகுதி எம்.எல்.ஏ.ஒ.ஜோதி மற்றும் திமுகவினா் செவ்வாய்க்கிழமை பாா்வையிட்டு ஆய்வு செய்தனா்.

தோ்தல் ஆணையத்தின் உத்தரவின் பேரில், செய்யாறு தொகுதியில் தோ்தல் தொடா்பான வருவாய்த்துறையினா் நவ.4 முதல் சிறப்பு தீவிர வாக்காளா் பட்டியல் திருத்தம் படிவத்தை வாக்காளா்களுக்கு வீடு வீடாக வழங்கி வருகின்றனா்.

அதன்படி, செய்யாறு வட்டம், கீழ்புதுப்பாக்கம் கிராமம் விரிவுப் பகுதியில் வாக்குச்சாவடி நிலை அலுவலா் படிவத்தை வீடு வீடாக வழங்கிக் கொண்டிருந்தாா்.

வாக்காளா் கணக்கீட்டுப் படிவம் வழங்கப்பட்டு வருவதை அறிந்த தொகுதி எம்.எல்.ஏ.ஒ.ஜோதி திமுக நிா்வாகிகளுடன் சென்று ஆய்வு செய்தாா்.

இதைத் தொடா்ந்து, திருவத்திபுரம் நகராட்சிப் பகுதி வேல்சோமசுந்தரம் நகரில் வாக்குச்சாவடி நிலை அலுவலா் படிவத்தை வழங்கி வருவதை எம்.எல்.ஏ. பாா்வையிட்டு ஆய்வு செய்தாா்.

ஆய்வின் போது தோ்தல் ஒருங்கிணைப்பாளா்கள் வெங்கடேஷ் பாபு, வி.ஏ.ஞானவேல், வி.கோபு, பாா்த்திபன், மாவட்ட வழக்குரைஞா் அணி அமைப்பாளா் அசோக், மாவட்ட கலை, இலக்கிய பகுத்தறிவுப் பேரவை அணித் தலைவா் ஆசிரியா் சேகா், மாவட்ட தொழிலாளா் அணி துணைத் தலைவா் கருணாநிதி உள்ளிட்டோா் உடனிருந்தனா்.