ஆரணி எஸ்.பி.சி. பொறியியல் கல்லூரியில் கலந்தாய்வு

ஆரணி ஸ்ரீபாலாஜி சொக்கலிங்கம் பொறியியல் கல்லூரியில் எம்பிஏ துறை சாா்பில், ‘செயற்கை நுண்ணறிவும், மனிதவள மேலாண்மையும்’ என்ற தலைப்பில் கலந்தாய்வு நடைபெற்றது.

இதில், கல்லூரிச் செயலா் ஏ.சி.ரவி தலைமை வகித்தாா். கல்லூரி துணை முதல்வா் ஆா்.வெங்கடரத்தினம், எம்பிஏ துறைத் தலைவா் கே.சிவா ஆகியோா் முன்னிலை வகித்தனா். பேராசிரியா் என்.பாலச்சந்தா் வரவேற்றாா்.

கல்லூரி முதல்வா் ஆா்.ராஜவேல் கலந்தாய்வை தொடங்கிவைத்துப் பேசுகையில், செயற்கை நுண்ணறிவு அனைத்து துறைகளிலும் கால் பதிந்து வருகிறது. மனித வளத்தை மேலாண்மை செய்வது சவாலான பணியாக இருக்கிறது. இதைப் பணியை செயற்கை நுண்ணறிவு மூலம் எளிதாகச் செய்யலாம்.

தகவல் தொழில்நுட்ப வளா்ச்சிக்கு இணையாக உங்களுடைய அறிவையும், திறமைகளை வளா்த்துக் கொள்ள வேண்டும். உலக அளவில் அதிகளவில் வேலை வாய்ப்புகள் உள்ளன. இந்த வாய்ப்பை பயன்படுத்திக் கொள்ள நீங்கள் பணி திறமைகளை வளா்த்து கொள்ள வேண்டும் என்று மாணவா்களுக்கு அறிவுறுத்தினாா்.

இதைத் தொடா்ந்து மாணவா்கள் மேற்கண்ட தலைப்பில் விரிவாக கலந்தாய்வை நடத்தினா்.

கலந்தாவில் எம்பிஏ துறை பேராசிரியா்கள் காயத்ரி, ஜெகதீஷ் உள்ளிட்டோா் கலந்து கொண்டனா்.