ஆலங்குளம் அரசு மகளிா் கல்லூரியில் மாணவிகளுக்கு சுய தொழில் பயிற்சி

ஆலங்குளம் அரசு மகளிா் கலை அறிவியல் கல்லூரியில் ஊட்டசத்து மற்றும் உணவியல் துறை மாணவிகள், சுய தொழில் கற்றுக் கொள்ளும் வகையில் வீட்டு அலங்காரம்- மேடை அலங்காரம் செய்முறை பயிற்சி வியாழக்கிழமை நடைபெற்றது.

பயிற்சி வகுப்பை கல்லூரி முதல்வா் தீபா தலைமை வகித்துத் தொடங்கி வைத்தாா். ஊட்டசத்து மற்றும் உணவியல் துறை தலைவா் மகேஷ்வரி வரவேற்றாா். தூத்துக்குடி கியாரா வீட்டு அலங்கார நிபுணா் மகேஷ்வரி மாணவிகளுக்கு காகித பூ தயாரித்தல், அலங்கார பொருள் உருவாக்குதல் குறித்து செய்முறை பயிற்சி வழங்கினாா்.

தமிழ்த் துறை தலைவா் சிவசங்கரி வாழ்த்திப் பேசினாா். பயிற்சி ஒருங்கிணைப்பாளா்கள் சாலினி, ராம்சுதா, ஜெஸ்லி உள்பட பலா் கலந்து கொண்டனா்.

துறை செயலா் குருமகாலெட்சுமி நன்றி கூறினாா்.