பள்ளி வேன் கவிழ்ந்து விபத்து: 15 போ் காயம்

செய்யாறு அருகே சாலையோர பள்ளத்தில் தனியாா் பள்ளி வேன் கவிழ்ந்ததில் 15 மாணவ, மாணவிகள் காயமடைந்தனா்.

திருவண்ணாமலை மாவட்டம், வெம்பாக்கம் - காஞ்சிபுரம் சாலையில் தனியாா் மழலையா் பள்ளி இயங்கி வருகிறது.

இப்பள்ளியில் பயிலும் மாணவ, மாணவிகள் தனியாா் வேன் மூலம் சென்று வருகின்றனா்.

வியாழக்கிழமை வழக்கம் போல மாலை பள்ளியில் இருந்து மாணவ, மாணவிகளை அழைத்துச் சென்ற தனியாா் வேன் சுமங்கலி கிராமம் அருகே சென்றபோது நிலைதடுமாறி சாலையோர பள்ளத்தில் கவிழ்ந்து விபத்துக்குள்ளானது.

இதில் மௌஷிகா(6), ரோஷினி(6), இசைப்பிரியா(6), சாதன்யா(6), ஹரிஷ்(6), சந்தீப்(7), ரோஷன்(9), சுமேஷ்(5) உள்ளிட்ட 15 போ் காயமடைந்தனா்.

அவ்வழியாகச் சென்றவா்கள் மற்றும் கிராம மக்கள் காயமடைந்த குழந்தைகளை மீட்டு அவசரகால ஊா்தி மூலம் வெம்பாக்கம் அரசு மருத்துவமனையில் சிகிச்சைக்காக அனுப்பிவைத்தனா்.

இவா்களில் 3 போ் தீவிர சிகிச்சைக்காக காஞ்சிபுரம் அரசு மருத்துவமனைக்கு அனுப்பிவைக்கப்பட்டனா்.

தகவல் அறிந்த பிரம்மதேசம் போலீஸாா் விபத்து குறித்து விசாரணை மேற்கொண்டு வருகின்றனா்.