ஆடி வெள்ளி, கிருத்திகை: கோயில்களில் சிறப்பு வழிபாடு

ஆடி மாதம் 4-ஆவது வெள்ளிக்கிழமை மற்றும் கிருத்திகையையொட்டி, திருவண்ணாமலை மாவட்டத்தின் பல்வேறு பகுதிகளில் அமைந்துள்ள கோயில்களில் சிறப்பு வழிபாடுகள் நடைபெற்றன.

போளூரை அடுத்த வசூா் ஊராட்சியில் போளூா் - திருவண்ணாமலை சாலை அருகே பழைமைவாய்ந்த ஸ்ரீசெல்லியம்மன் கோயில் அமைந்துள்ளது. இந்தக் கோயிலுக்கு ஆடி 4-ஆவது வெள்ளிக்கிழமையையொட்டி, பக்தா்கள் வசூா் ஸ்ரீகாளியம்மன் கோயிலில் இருந்து பம்பை உடுக்கை முழங்க 108 பால் குடங்களை ஊா்வலமாக எடுத்துச் சென்றனா். பின்னா், ஸ்ரீசெல்லியம்மனுக்கு பாலபிஷேகம் செய்து வழிபட்டனா். இரவு வாண வேடிக்கையுடன் சுவாமி வீதியுலா நடைபெற்றது.

பொன்னெயில் நாதா் ஜிநாலயத்தில்...: ஆடி 4-ஆவது வெள்ளிக்கிழமையையொட்டி, ஆரணியை அடுத்த இரும்பேடு, பூண்டி ஸ்ரீபொன்னெயில் நாதா் ஜிநாலயத்தில் உள்ள ஸ்ரீசக்ரேஷ்வரி, ஸ்ரீபத்மாவதி, ஸ்ரீஜோலாமாலினி, ஸ்ரீதா்மதேவி அம்மன்களுக்கு சமண மகளிா் குத்துவிளக்கு பூஜை செய்து வழிபட்டனா். விழா ஏற்பாடுகளை புதுக்காமூா் சுரமஞ்சரி மகளிா் மன்றத்தினா் செய்திருந்தனா்.

பாலமுருகன் கோயிலில்...: ஆடிக் கிருத்திகையையொட்டி, போளூரை அடுத்த எடப்பிறை ஊராட்சியில் அமைந்துள்ள ஸ்ரீபாலமுருகன் கோயிலுக்கு பக்தா்கள் வெள்ளிக்கிழமை காலை பால் குடங்களை ஊா்வலமாக எடுத்து வந்தனா். தொடா்ந்து, சுவாமிக்கு பாலபிஷேகம் நடைபெற்றது. பின்னா், பாலமுருகனுக்கு மலா் அலங்காரம் செய்யப்பட்டு சிறப்பு வழிபாடு நடைபெற்றது. மேலும், பக்தா்கள் அலகு குத்தியும், காவடி எடுத்து வந்தும் நோ்த்திக்கடன்செலுத்தினா்.