மாற்றுத் திறனாளியை தாக்கி வழிப்பறி: தவெக உறுப்பினா் கைது

சேத்துப்பட்டு அருகே உதவுவதுபோல நடித்து மாற்றுத் திறனாளியை பைக்கில் அழைத்துச் சென்று தாக்கி, கைப்பேசி உள்ளிட்டவற்றை பறித்ததாக தவெக உறுப்பினரை சேத்துப்பட்டு போலீஸாா் 24 மணி நேரத்தில் கைது செய்தனா்.

சேத்துப்பட்டை அடுத்த நெடுங்குணம் கிராமத்தைச் சோ்ந்தவா் அச்சுதன் (27), மாற்றுத் திறனாளி. இவா், வியாழக்கிழமை இரவு சேத்துப்பட்டில் இருந்து சொந்த ஊருக்கு நடந்து சென்றுகொண்டிருந்தாா். அப்போது, வந்தவாசி சாலையில் பைக்கில் வந்த மா்ம நபா், வீட்டில் விட்டுவதாகக் கூறி அச்சுதனை அழைத்துச் சென்றுள்ளாா்.

ஆனால், அவரை நெஞ்சாலையில் இறக்கிவிட்டு தாக்கியதாகவும், அவரிடமிருந்த கைப்பேசி, ஏடிஎம் அட்டை, மாற்றுத் திறனாளி அடையாள அட்டை உள்ளிட்டவற்றை பறித்துக்கொண்டு தப்பிச் சென்ாகவும் கூறப்படுகிறது.

இதுகுறித்து அச்சுதன் அளித்த புகாரின்பேரில், சேத்துப்பட்டு காவல் ஆய்வாளா் குணபாலன் தலைமையிலான போலீஸாா் சம்பவ இடத்தில் பதிவான சிசிடிவி கேமரா காட்சிகளை ஆய்வு செய்து விசாரணை நடத்தினா். இதில், சேத்துப்பட்டு லூா்து நகரைச் சோ்ந்த தவெக உறுப்பினரான அந்தோணி குரு மகன் டென்னிஸ் (32) வழிப்பறியில் ஈடுபட்டது தெரியவந்தது. இதையடுத்து, அவா் மீது போலீஸாா் வழக்குப் பதிந்து கைது செய்தனா்.

வழிப்பறி சம்பவத்தில் தொடா்புடைவரை 24 மணி நேரத்தில் கைது செய்த சேத்துப்பட்டு போலீஸாருக்கு பொதுமக்கள் பாராட்டுத் தெரிவித்தனா்.