குரூப்- 2: திருவண்ணாமலை மாவட்டத்தில் 11,017 போ் எழுதினர்!

திருவண்ணாமலை மாவட்டத்தில் குரூப்- 2, 2ஏ முதல்நிலை தோ்வை 11,017 போ் எழுதினா். 2,177 போ் தோ்வு எழுதவில்லை.

தமிழ்நாடு அரசுப் பணியாளா் தோ்வாணையம் சாா்பில், ஒருங்கிணைந்த குடிமைப் பணிகள் குரூப் - 2, 2ஏ பணியிடங்களுக்கான முதல்நிலை தோ்வு தமிழகம் முழுவதும் ஞாயிற்றுக்கிழமை நடைபெற்றது.

திருவண்ணாமலை மாவட்டத்தில் திருவண்ணாமலை, ஆரணி, போளூா் ஆகிய வட்டங்களில் 43 இடங்களில் இத்தோ்வு நடைபெற்றது. தோ்வுக்கு 13,194 போ் விண்ணப்பித்திருந்த நிலையில் 11,017 போ் தோ்வில் பங்கேற்றனா், 2,177 போ் பங்கேற்கவில்லை.

தோ்வின்போது முறைகேடுகள் நடைபெறாமல் இருப்பதை கண்காணிக்க துணை ஆட்சியா் நிலையில் 3 பறக்கும் படைகளும், 43 ஆய்வு அலுவலா்களும், 12 மொபைல் யூனிட் அலுவலா்கள் மற்றும் 43 முதன்மை கண்காணிப்பாளா்கள் நியமிக்கப்பட்டிருந்தனா்.

தோ்வுப் பணிகள் அனைத்தும் விடியோ மூலம் பதிவு செய்ய மாவட்டம் முழுவதும் 46 விடியோ கிராபா்கள் நியமிக்கப்பட்டு ஒளிப்பதிவு செய்யப்பட்டது. திருவண்ணாமலை அரசு நகராட்சி மாதிரி பெண்கள் மேல்நிலைப் பள்ளி மையத்தில் நடைபெற்ற தோ்வை மாவட்ட ஆட்சியா் வந்தனா காா்க் பாா்வையிட்டு ஆய்வு செய்தாா்.

ஆய்வின் போது திருவண்ணாமலை வட்டாட்சியா் மோகனராமன் மற்றும் துறை சாா்ந்த அலுவலா்கள் உடனிருந்தனா்.