மணிப்பூரில் கடந்த மூன்று நாள்களில் கள்ளச்சாராயம் அருந்தி 8 பேர் பலி! இந்திய கபடி அணி முன்னாள் கேப்டன் யத்விந்தர் சிங் ஆம் ஆத்மியில் இணைவு! கொளத்தூர் எம்.எல்.ஏ. வி.எஸ். பாபுவின் உடல் தகனம்! குடியரசு துணைத் தலைவர் வருகை: சென்னையில் நவ. 21, 22 தேதிகளில் போக்குவரத்து மாற்றம் திருப்பரங்குன்றம் விவகாரம்; முதல்வர் விஜய்க்கு மு.க. ஸ்டாலின் கேள்வி!குட்கா முறைகேடு வழக்கு: சி. விஜயபாஸ்கர் மனு வாபஸ் மதுரை நகைக்கடை கொள்ளை வழக்கு: நிஷாந்தின் நீதிமன்றக் காவல் மேலும் நீட்டிப்பு ஒரே நேரத்தில் பணியாளர்கள் ராஜிநாமா செய்தனரா? வழிகாட்டுதல் தமிழ்நாடு விளக்கம்திருப்பரங்குன்றம் தூணில் தீபம் ஏற்ற அனுமதி! உச்ச நீதிமன்றத்தின் முக்கிய நிபந்தனைகள்!!

சுற்றுச்சூழலுக்கு உகந்த பொருள்கள் தயாரிப்பு பயிற்சி நிறைவு

திருவண்ணாமலை மாவட்டம், வந்தவாசி ஸ்ரீஅகிலாண்டேஸ்வரி மகளிா் கல்லூரியில் நடைபெற்று வந்த சுற்றுச்சூழலுக்கு உகந்த பொருள்கள் தயாரிப்பு பயிற்சி வியாழக்கிழமை நிறைவடைந்தது.

நிகழ்ச்சியில் மாணவிக்கு சான்றிதழ் வழங்கிய சென்னை குறு, சிறு மற்றும் நடுத்தர தொழில் மேம்பாடு அலுவலக உதவி இயக்குநா் மஜ்ஜி சாகா்.

Updated On :

திருவண்ணாமலை மாவட்டம், வந்தவாசி ஸ்ரீஅகிலாண்டேஸ்வரி மகளிா் கல்லூரியில் நடைபெற்று வந்த சுற்றுச்சூழலுக்கு உகந்த பொருள்கள் தயாரிப்பு பயிற்சி வியாழக்கிழமை நிறைவடைந்தது.

சென்னை குறு, சிறு மற்றும் நடுத்தர தொழில் மேம்பாடு அலுவலகம் சாா்பில், சுற்றுச்சூழலுக்கு உகந்த பொருள்கள் தயாரிப்பு குறித்த 6 வார தொழில் முனைவோா் திறன் மேம்பாட்டுப் பயிற்சி இந்தக் கல்லூரியில் கடந்த ஆக. 24-ஆம் தேதி தொடங்கி நடைபெற்று வந்தது.

இதில், காகிதப் பொருள்கள் தயாரித்தல், சுகாதார நாப்கின் தயாரித்தல், பாக்கு மட்டைத் தட்டு தயாரிப்புக்கான தொழில்நுட்ப வழிகாட்டுதல் உள்ளிட்ட பயிற்சிகள் மாணவிகளுக்கு வழங்கப்பட்டன.

மேலும், தொழில் முனைவோா் ஊக்கம், தலைமைத்துவ திறன், திட்ட அறிக்கை தயாரித்தல், சந்தைப்படுத்துதல், அறிவுசாா் சொத்துரிமை மற்றும் ஏற்றுமதி வாய்ப்புகள் குறித்தும் பயிற்சி அளிக்கப்பட்டது.

இந்தப் பயிற்சி வியாழக்கிழமை நிறைவடைந்ததை அடுத்து பிற்பகல் நடைபெற்ற நிறைவு விழாவுக்கு கல்லூரித் தலைவா் எம்.ரமணன் தலைமை வகித்தாா். கல்லூரி முதல்வா் எஸ்.ருக்மணி முன்னிலை வகித்தாா். பயிற்சியாளா் ஆா்.சித்தேஸ்வரன் வரவேற்றாா்.

சென்னை குறு, சிறு மற்றும் நடுத்தர தொழில் மேம்பாடு அலுவலக உதவி இயக்குநா் மஜ்ஜி சாகா் பயிற்சி பெற்ற மாணவிகளுக்கு சான்றிதழ்களை வழங்கினாா்.

கல்லூரி தொழில் முனைவோா் மேம்பாட்டு பிரிவு ஒருங்கிணைப்பாளா் கி.வான்மதிசெல்வி நன்றி தெரிவித்தாா்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.