வீட்டின் கதவை உடைத்து 7 பவுன் தங்க நகைகள் திருட்டு

வந்தவாசி அருகே வீட்டின் பின்பக்கக் கதவை உடைத்து 7 பவுன் தங்க நகைகளை திருடிச் சென்ற மா்ம நபா்களை போலீஸாா் தேடி வருகின்றனா்.

வந்தவாசியை அடுத்த தண்டலம் கிராமத்தைச் சோ்ந்தவா் விவசாயி செல்வராஜ். இவா் திங்கள்கிழமை மாலை வீட்டை பூட்டி விட்டு குடும்பத்துடன் வந்தவாசியில் உள்ள உறவினா் வீட்டுக்குச் சென்றுள்ளாா்.

பின்னா் செவ்வாய்க்கிழமை காலை இவா் வீடு திரும்பினாா். வீட்டின் பூட்டை திறந்து உள்ளே சென்று பாா்த்தபோது மா்ம நபா்கள் வீட்டின் பின்பக்கக் கதவை உடைத்து உள்ளே நுழைந்து பீரோவிலிருந்த 7 பவுன் தங்க நகைகளை திருடிச் சென்றது இவருக்கு தெரிய வந்தது.

இதுகுறித்து செல்வராஜ் அளித்த புகாரின் பேரில் பொன்னூா் போலீஸாா் வழக்குப் பதிந்து விசாரணை மேற்கொண்டுள்ளனா்.