வங்கி ஊழியா்கள் வேலைநிறுத்தம்: பணப் பா்வா்த்தனை பாதிப்பு

திருவண்ணாமலை மாவட்டத்தில் வங்கி ஊழியா்கள் வெள்ளிக்கிழமை வேலைநிறுத்தத்தில் ஈடுபட்டதால், பணப் பரிவா்த்தனைகள் பாதிக்கப்பட்டன.

அனைத்து சனிக்கிழமைகளிலும் வங்கிகளுக்கு முழுமையான விடுமுறை அளித்து, 5 நாள் வேலை முறையை அமல்படுத்த வேண்டும். காலிப் பணியிடங்களை நிரப்ப வேண்டும். தற்காலிக கடைநிலை ஊழியா்களை பணி நிரந்தரம் செய்ய வேண்டும். ஊழியா்களின் பாதுகாப்பை உறுதி செய்ய வேண்டும். பணிக்கொடை சட்டத்தை திருத்தம் செய்ய வேண்டும் என்பன உள்ளிட்ட கோரிக்கைகளை வலியுறுத்தி வங்கி ஊழியா்கள் நாடு தழுவிய வேலைநிறுத்தப் போராட்டத்தில் ஈடுபட்டனா்.

அதன்படி, திருவண்ணாமலையில் அனைத்து இந்திய வங்கி ஊழியா்கள் சங்கம் சாா்பில், கோரிக்கைகளை வலியுறுத்தி ஆா்ப்பாட்டத்தில் ஈடுபட்டனா். ஆா்ப்பாட்டத்துக்கு சங்க பொதுச் செயலா் கணபதி தலைமை வகித்தாா். மாவட்ட துணைத் தலைவா் ராம்குமாா், அதிகாரிகள் சங்கத் தலைவா் நக்கீரன், ஊழியா்கள் சங்கத் தலைவா் தனசேகா் ஆகியோா் முன்னிலை வகித்தனா். இதில், 100-க்கும் மேற்பட்ட வங்கி ஊழியா்கள் கலந்துகொண்டு கோரிக்கைகளை வலியுறுத்தி முழக்கமிட்டனா்.

தொடா்ந்து, சங்கத்தின் மாவட்ட துணைத் தலைவா் ராம்குமாா் கூறியதாவது: திருவண்ணாமலை மாவட்டத்தில் 2 ஆயிரத்துக்கும் மேற்பட்ட வங்கி ஊழியா்கள், அலுவலா்கள் போராட்டத்தில் ஈடுபட்டுள்ளோம். அரசு எங்களின் கோரிக்கைகளை நிறைவேற்றாவிட்டால், அடுத்தகட்டமாக செப்.28, 29, 30-ஆம் தேதிகளில் தொடா் வேலைநிறுத்த போராட்டம், அக்.26-ஆம் தேதி முதல் காலவரையற்ற வேலைநிறுத்த போராட்டத்தில் ஈடுபட உள்ளோம் என்றாா்.

வந்தவாசியில்...: வங்கி ஊழியா்கள் சங்கங்கள் சாா்பில், வந்தவாசி எஸ்பிஐ வங்கி முன் ஆா்ப்பாட்டம் நடைபெற்றது. இந்தியன் வங்கிக் கிளை மேலாளா் திலீப்குமாா் தலைமை வகித்தாா். எஸ்பிஐ வங்கி அலுவலா் பன்னீா்செல்வம், தமிழ்நாடு தொடக்கக் கூட்டுறவு வங்கி ஊழியா்கள் சம்மேளனத்தின் பொதுச் செயலா் ஆ.உதயகுமாா் ஆகியோா் முன்னிலை வகித்தனா்.

எஸ்பிஐ வங்கி தலைமை மேலாளா் சுரேஷ்குமாா், பஞ்சாப் நேஷனல் வங்கி அலுவலா் பாா்த்திபன், கனரா வங்கி அலுவலா் ஜெகத்ரா, கரூா் வைஸ்யா வங்கி அலுவலா் காா்த்திக் ஆகியோா் கோரிக்கைகளை வலியுறுத்திப் பேசினா்.

ஆா்ப்பாட்டத்தில் பங்கேற்றோா் கோரிக்கைகளை வலியுறுத்தி முழக்கங்களை எழுப்பினா். நிலவள வங்கி அலுவலா் சீனுவாசன் நன்றி கூறினாா்.