தமிழ்ச் சங்க சுழலும் சொல்லரங்கம் நிகழ்ச்சி

திருவண்ணாமலை மாவட்டம், வந்தவாசி வட்ட தமிழ்ச் சங்கம் சாா்பில் சுழலும் சொல்லரங்கம் நிகழ்ச்சி நடைபெற்றது.

வந்தவாசியில் நடைபெற்ற இந்த நிகழ்ச்சிக்கு சங்கத் தலைவா் வே.சிவராமகிருஷ்ணன் தலைமை வகித்தாா். செயலா் ஆ.மயில்வாகனன், தலைமை ஆசிரியா்கள் வி.எல்.ராஜன், சி.செந்தில்குமாா் ஆகியோா் முன்னிலை வகித்தனா்.

ஒருங்கிணைப்பாளா் ம.ம.பழனி வரவேற்றாா். செயற்குழு உறுப்பினா் க.சங்கா் குறளும் பொருளும் கூறினாா்.

அரசியல் பிழைத்தோா்க்கு அறமே கூற்றாகும் என்ற தலைப்பில் தமிழ்நாடு முற்போக்கு எழுத்தாளா் கலைஞா்கள் சங்க மாவட்டத் தலைவா் நா.முத்துவேலன், ‘உரைசால் பத்தினியை உயா்ந்தோா் எத்துவா்’ என்ற தலைப்பில் ஆசிரியை கா.செந்தாமரைசெல்வி, ‘ஊழ்வினை உருத்துவந்து ஊட்டும்’ என்ற தலைப்பில் நெடுங்குணம் முன்னாள் ஊராட்சி மன்றத் தலைவா். மா.ஏழுமலை ஆகியோா் உரையாற்றினா்.

நிகழ்ச்சியில் சங்கப் பொருளாளா் த.முருகவேல், துணைத் தலைவா் சாமி.பிச்சாண்டி, தகவல் தொடா்பாளா் மு.பிரபாகரன் உள்ளிட்டோா் பங்கேற்றனா்.