"கல்விக்கு முக்கியத்துவம் தேவை'

கல்விக்கு முக்கியத்துவம் அளிக்க வேண்டும் என சூப்பர் நேஷன் பார்ட்டி தலைவர் கலீல் ரஹ்மான் கூறினார்.

ஆம்பூர் அருகே பாங்கி நகரில் அலுவலகத்தில் அண்மையில் நடைபெற்ற விழாவில், கட்சியின் வார்டு நிர்வாகிகளை அறிமுகம் செய்து கலீல் ரஹ்மான் பேசியது:

பள்ளிக்கூடங்களின் நிலையை அறிந்து, தெரிவிக்க வேண்டும். கல்விக்கு முக்கியத்துவம் அளித்து அதற்கு சேவை செய்ய முன்வர வேண்டும்.

கட்சியின் போராட்டங்கள், ஆர்ப்பாட்டங்கள் முறையாக நடத்தப்படும். அனைவரும் ஜாதி, மத வேறுபாடுகள் பார்க்காமல் பணியாற்ற வேண்டும் என்றார்.

கட்சியின் செயலர் பிரபுராம், பொருளாளர் தமிழரசன், நிர்வாகிகள் சதீஷ், சங்கர், அப்ஷர், ரஹ்மான், தன்வீர், இர்பான் உள்ளிட்டோர் கலந்து கொண்டனர்.