பக்தர்களுக்கு அன்னதானம் அளிப்பு

ஆம்பூர் கோயில்களில் புரட்டாசி சனிக்கிழமை விழாக்கள் நடைபெற்றன. இதையொட்டி, பக்தர்களுக்கு அன்னதானமும் வழங்கப்பட்டது.

 பெரிய ஆஞ்சநேயர் கோயிலில் சிறப்பு பூஜைகள்,  மூலவருக்கு சிறப்பு அபிஷேக, ஆராதனைகள் நடைபெற்றன. இதையொட்டி, மூலவருக்கு வெண்ணை சிறப்பு அலங்காரம் செய்யப்பட்டது. பக்தர்களுக்கு அன்னதானத்தை வருவாய்க் கோட்ட அலுவலர் ரெங்கராஜன் தொடக்கி வைத்தார்.

 திருப்பணிக் குழு முன்னாள் தலைவர் கிஷண்லால், கோதண்டராம சுவாமி கோயில் அறங்காவலர் குழுத் தலைவர் ஸ்ரீதர், அனுமன் பக்த சபை நிர்வாகிகள் தினேஷ், குருமூர்த்தி, ஸ்ரீனிவாச பெருமாள் கோயில் முன்னாள் அறங்காவலர் சீனிவாசன், அர்ச்சகர்கள் சர்மா, ரமணன் உள்ளிட்டோர் உடனிருந்தனர்.

 இதேபோல், சீதா, லட்சுமணன் சமேத கோதண்ட ராமர் கோயில், ஸ்ரீனிவாச பெருமாள் கோயில், ரெட்டித்தோப்பு பஞ்சமுக ஆஞ்சநேயர் கோயில், ஆனைமடுகு ஆஞ்சநேயர் கோயில், துத்திப்பட்டு ஸ்ரீ பிந்துமாதவர் பெருமாள் கோயில், விண்ணமங்கலம் அமர்ந்த வரதராஜ பெருமாள் கோயில் உள்ளிட்டவற்றிலும் சிறப்பு பூஜைகள் நடைபெற்றன. திரளான பக்தர்கள் பங்கேற்று தரிசனம் செய்தனர்.

வாணியம்பாடியில்...

புரட்டாசி சனிக்கிழமையையொட்டி, வாணியம்பாடி பெருமாள் கோயில்களில் சிறப்பு பூஜைகள் நடைபெற்றன.

 வாணியம்பாடியை அடுத்த திம்மாம்பேட்டையில் உள்ள ஸ்ரீதேவி, பூதேவி சமேத ஸ்ரீ பிரசன்ன வெங்கடேச பெருமாள் கோயிலில் அன்னதானத்தை ஊராட்சி மன்ற முன்னாள் தலைவர் ஸ்ரீராமுலு வழங்கினார்.

 பெரியப்பேட்டையில் உள்ள அழகு பெருமாள் கோயில், உதயேந்திரத்தில் உள்ள வரதராஜ பெருமாள் கோயில் ஆகியவற்றிலும் சிறப்பு பூஜைகள் நடைபெற்றன.