சிறப்பு மருத்துவ முகாம்

வாலாஜாபேட்டையில் உள்ள மாவட்ட அரசு தலைமை மருத்துவமனையில் தொழுநோயாளிகளுக்கான சிறப்பு மருத்துவ முகாம் வெள்ளிக்கிழமை நடைபெற்றது.

முகாமை மாவட்ட துணை இயக்குநர் (சுகாதாரப் பணிகள்) கே.எஸ்.சுரேஷ் தொடக்கி வைத்தார்.

முகாமில், கரிகிரி மருத்துவமனை மருத்துவர் பார்த்திப ராஜன், வேலூர் மாவட்ட தொழுநோய் மருத்துவ அலுவலக மருத்துவர் பிரவீண் ஆகியோர் நோயாளிகளுக்கு சிகிச்சையளித்தனர். அறுவை சிகிச்சைக்காக 3 பேர் பரிந்துரை செய்யப்பட்டனர். மேலும், மருந்து, மாத்திரைகளும் வழங்கப்பட்டன.

முகாமுக்கான ஏற்பாடுகளை வாலாஜா வட்டார சுகாதார மேற்பார்வையாளர் ராஜசேகரன் செய்திருந்தார்.