இந்து முன்னணியினர் மொட்டையடித்து மனு

கடந்த 60 ஆண்டுகளாக தமிழக கோயில்களில் நடைபெறும் சிலை திருட்டு சம்பவங்களைக் கண்டுகொள்ளாத மாநில அரசு, காவல் துறையைக் கண்டித்து இந்து முன்னணியினர் ஞாயிற்றுக்கிழமை மொட்டையடித்து, கோயில் உண்டியலில் மனு போட்டனர்.
திருடு போன சிலைகளை சிவபெருமானே கண்டுபிடித்து குற்றவாளிகளுக்கு தண்டனை வழங்க  வேண்டியும், சிலை கடத்தல் தடுப்புப் பிரிவுக்கு ஐ.ஜி.யாக பொன். மாணிக்கவேலை தொடர்ந்து பணியாற்ற உத்தரவிட வேண்டியும் அவர்கள் நெல்லூர்பேட்டை கருப்புலீஸ்வரர் கோயில் வளாகத்தில் மொட்டையடித்து, கோயில் உண்டியலில் மனு போட்டனர். 
இதைத் தொடர்ந்து சந்தப்பேட்டை சீதாராம ஆஞ்ச
நேயர் கோயில் உண்டியலிலும், தரணம்பேட்டை முத்தியாலம்மன் கோயில் உண்டியலிலும் கோரிக்கை  தொடர்பான மனுக்களைப் போட்டனர்.
இதில், அமைப்பின் மாவட்டச் செயலர் ஆதிசிவா, ஒன்றியத் தலைவர் தரணி, ஒன்றியச் செயலர் யோகானந்தம், ஜெயசூரியா, ஆனந்தன் உள்ளிட்டோர் கலந்து கொண்டனர்.