திமுகவில் இணைந்தார் அதிமுக முன்னாள் அமைச்சர் விஜய்

அதிமுக முன்னாள் அமைச்சர் விஜய் திமுக தலைவர் மு.க.ஸ்டாலின் முன்னிலையில் திமுகவில் தன்னை இணைத்துக் கொண்டார்.

வேலூர் மாவட்டத்தைச் சேர்ந்த அதிமுக முன்னாள் அமைச்சர் டி.எஸ்.விஜய். அதிமுகவில் முன்னாள் சுகாதாரத்துறை அமைச்சராக பதவி வகித்த மருத்துவரான டி.எஸ்.விஜய் புதிதாக தோற்றுவிக்கப்பட்ட அதிமுக வேலூர் மாநகர் மாவட்ட அதிமுக செயலர் பதவியை எதிர்பார்த்திருந்தார். ஆனால், அப்பதவி அமைச்சர் கே.சி.வீரமணியின் ஆதரவாளரான எஸ்.ஆர்.கே.அப்புக்கு ஒதுக்கப்பட்டது.

இதனால் அதிருப்தியடைந்த விஜய், சனிக்கிழமை ஸ்டாலின் முன்னிலையில் திமுகவில் இணைந்தார். இது வேலூர் மாவட்ட அரசியல் வட்டாரத்தில் அதிர்வலைகளை ஏற்படுத்தியுள்ளது.