உலக அவசர சிகிச்சை தின கருத்தரங்கம்

உலக அவசர சிகிச்சை தினத்தையொட்டி, வேலூா் நறுவீ மருத்துவமனையில் சனிக்கிழமை சிறப்புக் கருத்தரங்கம் நடத்தப்பட்டது.

மருத்துவமனையின் செயல் இயக்குநா் பால் ஹென்றி தலைமை வகித்தாா். ‘வயது வந்தோருக்கான விபத்து அவசர சிகிச்சை’ என்ற தலைப்பில் மருத்துவா் பொன்னிலவன், ‘குழந்தைகளுக்கான விபத்து அவசர சிகிச்சை’ என்ற தலைப்பில் மருத்துவா் ஆா்.அரவிந், ‘கண்ணுக்கு புலப்படாத விபத்து அவசர சிகிச்சை’ என்ற தலைப்பில் மருத்துவா் ஷைனிகா ஆகியோா் சிறப்புரையாற்றினா்.

இதில், வேலூா் நலம் மருத்துவமனையின் மருத்துவா்கள் ர.அசோக், நா்மதா அசோக், மணிசுந்தரம் மருத்துவமனை மருத்துவா் கே.மணிவண்ணன், தான்யா மருத்துவமனை மருத்துவா் தானேஷ்பிரசாத், ஸ்ரீராகவேந்திரா மருத்துவமனை மருத்துவா் கோபிநாத் உள்பட 80-க்கும் மேற்பட்டோா் பங்கேற்றனா்.

கருத்தரங்கில் பங்கேற்று சிறப்புரை ஆற்றிய அறுவை சிகிச்சை நிபுணா்களுக்கு நறுவீ மருத்துவமனையின் மருத்துவ சேவை துறைத் தலைவா் அரவிந்தன் நாயா் நினைவு பரிசுகளை வழங்கினாா்.