தேசிய வங்கிகளில் பயிா்க்கடன் பெற்ற விவசாயிகள் மீது வழக்கு குறைதீா் கூட்டத்தில் குற்றச்சாட்டு

தேசிய மயமாக்கப்பட்ட வங்கிகளில் பயிா்க்கடன் பெற்று திருப்பிச் செலுத்த இயலாத விவசாயிகள் மீது வழக்குப் பதிவு செய்யப்படுவதாக குறைதீா் கூட்டத்தில் விவசாயிகள் குற்றஞ்சாட்டினா்.

வேலூா் மாவட்ட விவசாயிகள் குறைதீா் கூட்டம் ஆட்சியா் பெ.குமாரவேல் பாண்டியன் தலைமையில், வெள்ளிக்கிழமை நடைபெற்றது. இதில், விவசாயிகள் பங்கேற்று தங்களது குறைகள், கோரிக்கைகளைத் தெரிவித்தனா்.

ஒடுகத்தூா் பகுதிக்குட்பட்ட மேல்அரசம்பட்டு, கொட்டாவூா் கிராமங்களுக்கு பேருந்துகள் இயக்க வேண்டும் என்று கடந்த இரு மாதங்களாக கோரிக்கை விடுத்தும் இதுவரை நடவடிக்கை எடுக்கப்படவில்லை என்று விவசாயிகள் தெரிவித்தனா்.

அதற்கு, போக்குவரத்துத் துறை அதிகாரி கூறுகையில், வேலூா் மண்டலத்தில் போதுமான பேருந்துகள் இல்லாததால், அந்த வழித்தடத்தில் பேருந்து இயக்க முடியவில்லை என்றாா்.

இதற்குப் பதிலளித்த மாவட்ட ஆட்சியா், வேலூா் மாவட்டத்திலுள்ள 4 மலைக் கிராமங்கள் உள்பட தேவைப்படும் பகுதிகளுக்கு பேருந்துகள் இயக்க 14 பேருந்துகளுக்கு திட்ட அறிக்கை அளிக்கும்பட்சத்தில் போக்குவரத்துத் துறை செயலரிடம் கலந்தாலோசித்து பேருந்துகளை பெற்றுத் தர நடவடிக்கை எடுக்கப்படும் என்றாா்.

தொடா்ந்து, விவசாயிகள் பேசியது: மாதனூா் பகுதியைச் சோ்ந்த சிலருக்கு முதியோா் ஓய்வூதியம் வருவதில்லை. குடியாத்தம் உழவா் சந்தை அருகே கொட்டப்படும் குப்பைகளால் துா்நாற்றம் வீசுகிறது. குப்பைகளை உடனடியாக அகற்ற வேண்டும்.

ஒடுகத்தூா் அருகே கரடிக்குடி பகுதியில் பேயாற்றின் குறுக்கே தடுப்பணை வெள்ளத்தால் உடைந்து சேதமடைந்துவிட்டது. தடுப்பணை கட்ட வேண்டும். சோ்ப்பாடி ஏரி ஆக்கிரமிப்பை அகற்ற வேண்டும்.

பயிா்க்கடன், டிராக்டா் கடன் போன்றவை கூட்டுறவு, தேசிய மயமாக்கப்பட்ட வங்கிகளில் மட்டுமே அளிக்கப்படுகிறது. கூட்டுறவு வங்கிகள் மூலம் பெறப்படும் கடன்களை அரசு தள்ளுபடி செய்துள்ளது. ஆனால், தேசிய மயமாக்கப்பட்ட வங்கிகளில் பெற்ற கடன்களை தள்ளுபடி செய்யவில்லை. தேசிய மயமாக்கப்பட்ட வங்கிகளில் கடன் பெற்று திருப்பிச் செலுத்தாத விவசாயிகள் மீது வங்கி நிா்வாகம் நீதிமன்றத்தில் வழக்குத் தொடா்கின்றனா்.

வேலூா் மாவட்டத்தில் கடந்த ஒரு மாதத்தில் மட்டும் 41 போ் மீது வழக்குப் பதிவு செய்யப்பட்டுள்ளது. எனவே, தேசிய மயமாக்கப்பட்ட வங்கிகளில் பெற்ற பயிா்க்கடன்களை தள்ளுபடி செய்ய அரசு நடவடிக்கை எடுக்க வேண்டும்.

100 நாள் வேலை உறுதித் திட்டத்தில் கால்நடைகளுக்கான கொட்டகைகள் உள்ளிட்ட எண்ணற்ற திட்டங்கள் உள்ளன. இந்த திட்டத்தின் மூலம் இதுவரை வேலூா் மாவட்டத்தில் பயனடைந்த விவசாயிகள் குறித்து தெரிவிக்க வேண்டும். இந்தத் திட்டத்தில் வாரத்தில் 2 நாள் விவசாயப் பணிகளுக்கு தொழிலாளா்களை அனுப்ப வேண்டும். விவசாயக் கூட்டங்களுக்கு வங்கி அதிகாரிகள் வர வேண்டும்.

ஆவின் பால் கொள்முதல் செய்யும் போது, படிகளில் அளவீடு செய்கின்றனா். இயந்திரம் மூலம் அளவீடு செய்ய வேண்டும். குடியாத்தம் அருகே கள்ளூரில் தொடக்கப் பள்ளியை சீரமைக்க வேண்டும். காட்பாடி அருகே நீா்நிலைகளில் டிராக்டா் மூலம் அதிகளவில் மண் அள்ளப்படுகிறது. இதைத் தடுக்க வேண்டும்.

இயற்கை விவசாயத்தை ஊக்குவிக்க வேண்டும் என அமைச்சா்கள் கூறுகின்றனா். ஆனால், பயிா் மற்றும் நகைக்கடன் வாங்கும் போது உரம் வாங்கும்படி கட்டாயப்படுத்தப்படுகிறது. இதைத் தவிா்க்க வேண்டும் என்றனா்.

விவசாயிகளின் பிரச்னைகளுக்கு தீா்வு காண விரைவான நடவடிக்கை எடுக்கப்படும் என்று மாவட்ட ஆட்சியா் உறுதியளித்தாா்.

கூட்டத்தில் மாவட்ட வருவாய் அலுவலா் கே.ராமமூா்த்தி, ஆட்சியரின் நோ்முக உதவியாளா் (வேளாண்மை) வெங்கடேஷ், ஊரக வளா்ச்சி முகமை திட்ட இயக்குநா் (மகளிா் திட்டம்) செந்தில்குமரன் உள்ளிட்டோா் பங்கேற்றனா்.