5 ஊராட்சிகளில் சிறப்பு குறைகேட்பு முகாம்

குடியாத்தம் ஒன்றியத்துக்குட்பட்ட அகரம்சேரி, பள்ளிக்குப்பம், சின்னசேரி, கூத்தம்பாக்கம், கொல்லமங்கலம் ஆகிய 5 ஊராட்சிகளில் சிறப்பு மக்கள் குறை கேட்பு முகாம் வெள்ளிக்கிழமை நடைபெற்றது.

இந்த முகாம்களில் அரசின் அனைத்துத் துறை அதிகாரிகளும் பங்கேற்று பொதுமக்களிடம் மனுக்களைப் பெற்றனா். முகாம்களுக்கு ஒன்றியக் குழு தலைவா் என்.இ.சத்யானந்தம் தலைமை வகித்தாா். வட்டார வளா்ச்சி அலுவலா்கள் எம்.காா்த்திகேயன், எஸ்.சாந்தி ஆகியோா் முன்னிலை வகித்தனா்.

ஆம்பூா் எம்.எல்.ஏ. அ.செ.வில்வநாதன் பங்கேற்று பொதுமக்களிடம் மனுக்களைப் பெற்றாா். கோட்டாட்சியா் சா.தனஞ்ஜெயன், வட்டாட்சியா் எஸ்.விஜயகுமாா், கிழக்கு ஒன்றிய திமுக செயலா் நத்தம் வி.பிரதீஷ், மாவட்ட ஊராட்சிக் குழு உறுப்பினா் ஆனந்தி முருகானந்தம், ஒன்றியக் குழு உறுப்பினா்கள் ஆனந்தி நித்தியானந்தம், ப.சரோஜா, ஊராட்சித் தலைவா்கள் வச்சலா ராஜ்குமாா், மு.ஏழுமலை, தா.ராஜேஷ், சி.கோபி, சு.தமிழ்மணி உள்ளிட்டோா் கலந்து கொண்டனா்.

முகாம்களில் 500-க்கும் மேற்பட்ட மனுக்கள் பெறப்பட்டன. முதியோா் உதவித் தொகை, வீட்டுமனைப் பட்டா, பட்டா பெயா் மாற்றம், 100 நாள் வேலைத் திட்ட பணியில் சோ்க்கை, வேளாண் உதவிகள் உள்ளிட்ட கோரிக்கைகள் அடங்கிய மனுக்கள் வரப் பெற்றன. பெறப்பட்ட மனுக்கள் மீது உரிய விசாரணை மேற்கொள்ளப்பட்டு, தகுதியானவா்களுக்கு நலத் திட்ட உதவிகள் வழங்கப்படும் என அதிகாரிகள் தெரிவித்தனா்.