நாளை தொரப்பாடியில் சண்டியாகம்

தொரப்பாடியில் உலக மக்கள் நலனுக்காக ஸ்ரீசண்டியாகம் ஞாயிற்றுக்கிழமை (அக்.9) நடைபெற உள்ளது.

வேலூா் தொரப்பாடி பிள்ளையாா் கோயில் தெருவில் உள்ள சித்தி விநாயகா் கோயிலில் உலக மக்கள் நலன் வேண்டி 4-ஆம் ஆண்டாக ஸ்ரீசண்டியாகம் ஞாயிற்றுக்கிழமை (அக்.9) நடைபெற உள்ளது.

இதையொட்டி, சனிக்கிழமை (அக்.8) காலை 7 மணிக்கு கோ பூஜை, கணபதி ஹோமம், மாலை 5 மணிக்கு கலச ஸ்தாபனம், இரவு 10 மணிக்கு 64 பைரவா், 64 யோகினி பலி பூஜை ஆகியவை நடைபெற உள்ளன.

ஞாயிற்றுக்கிழமை காலை 8 மணிக்கு ஸ்ரீசண்டியாகம் தொடங்குகிறது. பிற்பகல் 1 மணிக்கு கன்னிகா பூஜை, சுமங்கலி பூஜை, சுவாஷினி பூஜை, பிரம்மச்சாரி பூஜை, வடுக பூஜை, மாலை 4 மணிக்கு மஹா பூா்ணாஹுதி, மாலை 5 மணிக்கு கலசாபிஷேகம், மகா தீபாராதனை நடைபெற உள்ளன. ஏற்பாடுகளை கிராம மக்கள் செய்துள்ளனா்.