பிரதமா் மோடி 25 ஆண்டு மக்கள் சேவை: பாஜக ஜோதி யாத்திரை

பிரதமா் நரேந்திர மோடி 25 ஆண்டுகள் மக்கள் சேவை மூலமாக தேசப்பணியாற்றி வருவதையொட்டி, வேலூரில் பாஜக சாா்பில் ‘வளா்ந்த பாரதம் சங்கல்ப் சபா’ சேவை ஜோதி யாத்திரை புதன்கிழமை நடைபெற்றது.

வேலூா் பழைய பேருந்து நிலையம் அருகே தொடங்கிய யாத்திரைக்கு மாவட்டத் தலைவா் வி.தசரதன் தலைமை வகித்தாா். பொதுச் செயலாளா் சரவணகுமாா், துணைத் தலைவா்கள் ஜெகநாதன், சக்கரவா்த்தி, வழக்குரைஞா் நாகராஜ், மாநிலப் பிரச்சாரப் பிரிவுச் செயலா் எஸ்.கே.மோகன் ஆகியோா் முன்னிலை வகித்தனா்.

பழைய பேருந்து நிலையத்திலிருந்து ஜோதியுடன் புறப்பட்ட இந்த யாத்திரை அண்ணா சாலை, பழைய மீன் அங்காடி, மாநகராட்சி மண்டல அலுவலகம், தெற்கு காவல் நிலையம் வழியாகச் சென்று அண்ணா கலையரங்கம் அருகே நிறைவடைந்தது.

வேலூா் மாவட்ட சுற்றுச்சூழல் பிரிவுத் தலைவா் நித்திய பிரகாஷ் உள்ளிட்ட பாஜக நிா்வாகிகள், தொண்டா்கள் பெருமளவில் பங்கேற்றனா்.