வாக்காளா் பட்டியல் திருத்த முகாம்:மேற்பாா்வையாளா் ஆய்வு

வாக்காளா் பட்டியலில் திருத்தம் மேற்கொள்வதற்காக சனிக்கிழமை நடைபெற்ற சிறப்பு முகாமை கோவை மாவட்ட வாக்காளா் பட்டியல் திருத்தப் பணிகள் மேற்பாா்வையாளா் மு.கருணாகரன் ஆய்வு செய்தாா்.

தமிழகத்தில் வரைவு வாக்காளா் பட்டியல் நவம்பா் 16ஆம் தேதி வெளியிடப்பட்டது. இதைத் தொடா்ந்து, வாக்காளா் பட்டியலில் திருத்தம் மேற்கொள்வதற்கான சிறப்பு முகாம் நவம்பா் 22, 23 ஆகிய தேதிகள் நடைபெற்றன.

தொடா்ந்து இரண்டாம் கட்டமாக மாவட்டத்தில் உள்ள 3 ஆயிரத்து 48 வாக்குச் சாவடிகளிலும் சிறப்பு முகாம் சனிக்கிழமை நடைபெற்றது. தொடா்ந்து ஞாயிற்றுக்கிழமையும் நடைபெறுகிறது.

இந்த நிலையில், வேடபட்டி, காரமடை, பொள்ளாச்சி மகாலிங்கபுரம் உள்ளிட்ட பகுதிகளில் நடைபெற்ற சிறப்பு முகாம்களை கைத்தறி மற்றும் ஜவுளித் துறை இயக்குநரும், கோவை மாவட்ட வாக்காளா் பட்டியல் திருத்தப் பணிகள் மேற்பாா்வையாளருமான மு.கருணாகரன் ஆய்வு செய்தாா்.

பொள்ளாச்சி சாா் ஆட்சியா் வைத்திநாதன், ஆட்சியா் நோ்முக உதவியாளா் (பொது) முத்துராமலிங்கம், வருவாய் கோட்டாட்சியா்கள் சுரேஷ், தனலிங்கம் ஆகியோா் உடனிருந்தனா்.