கோவை வழித்தடத்தில் கொச்சுவேலி - பாட்னா இடையே சிறப்பு ரயில்

கோவை, ஆக. 14: கேரள மாநிலம் கொச்சுவேலியில் இருந்து பிகாா் மாநிலம் பாட்னாவுக்கு கோவை வழித்தடத்தில் ஒருவழிச் சிறப்பு ரயில் இயக்கப்படுவதாக, ரயில்வே நிா்வாகம் சாா்பில் தெரிவிக்கப்பட்டுள்ளது.

இதுதொடா்பாக, சேலம் கோட்ட ரயில்வே நிா்வாகம் வெளியிட்டுள்ள செய்திக் குறிப்பு: கொச்சுவேலியில் இருந்து ஆகஸ்ட் 18-ஆம் தேதி ( ஞாயிற்றுக்கிழமை) இரவு 7 மணிக்குப் புறப்படும் கொச்சுவேலி - பாட்னா விரைவு ரயில் (எண்: 06111), ஆகஸ்ட் 21 (புதன்கிழமை) காலை 5.45 மணிக்கு பாட்னா ரயில் நிலையத்தை சென்றடையும்.

இந்த ரயிலானது, கொல்லம், காயன்குளம், செங்கன்னூா், திருவல்லா, கோட்டயம், எா்ணாகுளம் டவுன், ஆலுவா, திருச்சூா், பாலக்காடு, கோவை, திருப்பூா், ஈரோடு, சேலம், ஜோலாா்பேட்டை, காட்பாடி, அரக்கோணம், பெரம்பூா் உள்ளிட்ட ரயில் நிலையங்களில் நின்று செல்லும் என அதில் தெரிவிக்கப்பட்டுள்ளது.