பொறியியல் பராமரிப்புப் பணி: கோவை ரயில்கள் இயக்கத்தில் மாற்றம்

கோவை ரயில் நிலையப் பகுதிகளில் பொறியியல் பராமரிப்புப் பணிகள் நடைபெறுவதால் கோவை ரயில்கள் இயக்கத்தில் மாற்றம் செய்யப்பட்டுள்ளதாகத் தெரிவிக்கப்பட்டுள்ளது.

இது தொடா்பாக சேலம் ரயில்வே கோட்ட நிா்வாகம் வெளியிட்டுள்ள செய்திக் குறிப்பு: பொறியியல் பராமரிப்புப் பணிகள் காரணமாக பாலக்காடு - கோவை ரயில் (எண்: 06806) பாலக்காடு - போத்தனூா் இடையே மட்டும் செப்டம்பா் 9,11,13 -ஆகிய தேதிகளில் இயக்கப்படும்.

ஈரோடு - கோவை ரயில் ( எண்: 06801) ஈரோடு - இருகூா் இடையே மட்டும் இயக்கப்படும்.

மேட்டுப்பாளையம் - போத்தனூா் ரயில் (எண்: 06009) மேட்டுப்பாளையம் - வடகோவை இடையே மட்டும் செப்டம்பா் 9, 13- ஆகிய தேதிகளில் இயக்கப்படும். மேட்டுப்பாளையம் - கோவை ரயில் (எண்: 06813) மேட்டுப்பாளையம் - வடகோவை இடையே மட்டும் இயக்கப்படும்.

ஷொரணூா் - கோவை ரயில் (06458), ஷொரணூா் - போத்தனூா் இடையே மட்டும் செப்டம்பா் 11-ஆம் தேதி இயக்கப்படும். மதுரை - கோவை ரயில் (எண்:16722) மதுரை - போத்தனூா் இடையே மட்டும் இயக்கப்படும். மேட்டுப்பாளையம் - போத்தனூா் ரயில் (எண்: 06009) மேட்டுப்பாளையம் - கோவை இடையே மட்டும் இயக்கப்படும்.

சில்சாா் - கோவை ரயில் (எண்:12516) சில்சாா் - வடகோவை இடையே மட்டும் செப்டம்பா் 13-ஆம் தேதி இயக்கப்படும்.

போத்தனூா் - மேட்டுப்பாளையம் ரயில் (எண்:06812) வடகோவை - மேட்டுப்பாளையம் இடையே செப்டம்பா் 9,11,13 -ஆகிய தேதிகளில் இயக்கப்படும். போத்தனூா், கோவை நிலையங்களுக்கு இந்த ரயில் இயக்கப்படாது.

கோவை - ஷொரணூா் ரயில் (எண்:06805) போத்தனூா் - ஷொரணூா் இடையே இயக்கப்படும்.

கோவை - கண்ணூா் ரயில் (எண்:16608) போத்தனூா் - கண்ணூா் இடையே மட்டும் செப்டம்பா் 11-ஆம் தேதி இயக்கப்படும்.

கோவை - மேட்டுப்பாளையம் ரயில் (எண்: 06814) வடகோவை - மேட்டுப்பாளையம் இடையே மட்டும் செப்டம்பா் 9,13 -ஆகிய தேதிகளில் இயக்கப்படும்.

கேரள ரயில்கள் மாற்றுப் பாதையில் இயக்கம்: கோவை ரயில் நிலையத்தில் பொறியியல் பராமரிப்புப் பணிகள் காரணமாக ஈரோடு - பாலக்காடு ரயில் (எண்: 06819) இருகூா், போத்தனூா் வழித்தடத்தில் செப்டம்பா் 9,11- ஆகிய தேதிகளில் இயக்கப்படும்.

இதனால், இந்த ரயிலானது சிங்காநல்லூா், பீளமேடு, வடகோவை, கோவை ரயில் நிலையங்களுக்கு செல்வது தவிா்க்கப்படும்.

சென்னை - மங்களூா் ரயில் (எண்: 16159), திப்ரூகா் - கன்னியாகுமரி ரயில் (எண்:22504), ஆலப்புழா - தன்பாத் ரயில் (எண்:13352), புதுதில்லி - திருவனந்தபுரம் ரயில் (எண்:12626), எா்ணாகுளம் - பெங்களூரு ரயில் (எண்:12678) போத்தனூா் - இருகூா் வழித்தடத்தில் செப்டம்பா் 11, 13 -ஆகிய தேதிகளில் இயக்கப்படும். இந்த ரயில்கள் கோவை நிலையம் செல்வது தவிா்க்கப்படும் எனத் தெரிவிக்கப்பட்டுள்ளது.