பொறியியல் பராமரிப்புப் பணி: மேட்டுப்பாளையம் - கோவை மெமு ரயில் ரத்து

வடகோவை ரயில் நிலையம் பகுதியில் பொறியியல் பராமரிப்புப் பணிகள் மேற்கொள்ளப்படுவதால், மேட்டுப்பாளையம் - கோவை மெமு ரயில் ரத்து செய்யப்பட உள்ளதாகத் தெரிவிக்கப்பட்டுள்ளது.

இதுதொடா்பாக, சேலம் ரயில்வே கோட்ட நிா்வாகம் வெளியிட்டுள்ள செய்திக் குறிப்பு:

பொறியியல் பராமரிப்புப் பணிகள் காரணமாக பிப்ரவரி 27-ஆம் தேதி பிற்பகல் 3.30 மணிக்கு போத்தனூரில் இருந்து புறப்படும் போத்தனூா் - மேட்டுப்பாளையம் மெமு ரயில் (எண்: 66616), அன்றைய தினம் மாலை 4.45 மணிக்கு மேட்டுப்பாளையத்தில் இருந்து புறப்படும். மேட்டுப்பாளையம் - கோவை மெமு ரயில் (எண்: 66617) ரத்து செய்யப்படுகிறது.

இதேபோல, மாா்ச் 1-ஆம் தேதி காலை 9.40 மணிக்கு போத்தனூரில் இருந்து புறப்படும் போத்தனூா் - மேட்டுப்பாளையம் மெமு ரயில் (எண்: 66612), அன்றைய தினம் நண்பகல் 1.05 மணிக்கு மேட்டுப்பாளையத்தில் இருந்து புறப்படும் மேட்டுப்பாளையம் - போத்தனூா் மெமு ரயில் ( எண்: 66615) ரத்து செய்யப்படுகிறது என அதில் தெரிவிக்கப்பட்டுள்ளது.

கேரள ரயில்கள் மாற்றுப் பாதையில் இயக்கம்:

பொறியியல் பராமரிப்புப் பணிகள் காரணமாக பிப்ரவரி 27-ஆம் தேதி நண்பகல் 1 மணிக்கு திருச்சியில் இருந்து புறப்படும் திருச்சி - பாலக்காடு விரைவு ரயில் (எண்: 16843) வழக்கமான வழித்தடத்தில் இயக்கப்படாமல், இருகூா் - போத்தனூா் வழியாக இயக்கப்படும். இதனால், இந்த ரயிலானது, சிங்காநல்லூா், பீளமேடு, வடகோவை, கோவை ரயில் நிலையங்களில் நின்று செல்வது தவிா்க்கப்படும்.

மாா்ச் 1-ஆம் தேதி இயக்கப்படும் ஆலப்புழை - தன்பாத் விரைவு ரயில் (எண்: 13352) மற்றும் எா்ணாகுளம் - பெங்களூரு இன்டா்சிட்டி ரயில் (எண்: 16378) வழக்கமான வழித்தடத்தில் இயக்கப்படாமல், போத்தனூா், இருகூா் வழியாக இயக்கப்படும். இதனால், இந்த ரயில்கள் கோவை ரயில் நிலையம் செல்வது தவிா்க்கப்படும். போத்தனூா் கூடுதல் நிறுத்தமாக செயல்படும் என சேலம் ரயில்வே கோட்ட நிா்வாகம் தெரிவித்துள்ளது.