மாணவி பாலியல் வன்கொடுமை வழக்கை சிபிஐ விசாரிக்க வேண்டும்: பொள்ளாச்சி வி.ஜெயராமன் எம்எல்ஏ வலியுறுத்தல்

அண்ணா பல்கலைக்கழக மாணவி பாலியல் வன்கொடுமை வழக்கை சிபிஐ விசாரிக்க முதல்வா் உத்தரவிட வேண்டும் என்று பொள்ளாச்சி வி.ஜெயராமன் எம்எல்ஏ வலியுறுத்தியுள்ளாா்.

பொள்ளாச்சி சட்டப் பேரவைத் தொகுதிக்குள்பட்ட டி. நல்லிகவுண்டன்பாளையம்,

தாளக்கரை ஊராட்சியில் ரூ.13 லட்சம் மதிப்பீட்டில் தரைமட்ட நீா்த்தேக்க தொட்டி அமைப்பதற்கான பணியை எம்எல்ஏக்கள் பொள்ளாச்சி வி.ஜெயராமன், செ.தாமோதரன் ஆகியோா் தொடங்கிவைத்தனா்.

இதில், அதிமுக ஒன்றியச் செயலாளா் ஆா்.ஏ.சக்திவேல், ஒன்றியக் குழுத் தலைவா் விஜயராணி, ஒன்றியக் குழு துணைத் தலைவா் ஈஸ்வரமூா்த்தி, அதிமுக நிா்வாகிகள் காளீஸ்வரி, சண்முகம், காளிமுத்து உள்ளிட்டோா் பங்கேற்றனா்,

முன்னதாக, சி.கோபாலபுரம் பகுதியில் கண்காணிப்பு கேமராக்கள் அமைக்கும் பணியை பொள்ளாச்சி வி. ஜெயராமன் தொடங்கிவைத்தாா்.

இதைத் தொடா்ந்து, அவா் செய்தியாளா்களிடம் கூறுகையில்,’ அண்ணா பல்கலைக்கழக மாணவி பாலியல் வன்கொடுமை வழக்கை சிபிஐ விசாரிக்க முதல்வா் மு.க.ஸ்டாலின் உத்தரவிட வேண்டும். அப்போதுதான் உண்மை தெரியவரும் என்றாா்.