கோவை வஉசி மைதானத்தில் குடியரசு தினம்: தேசியக் கொடி ஏற்றிய ஆட்சியா்

கோவை: கோவை வ.உ.சி. மைதானத்தில் நடைபெற்ற குடியரசு தின விழாவில் மாவட்ட ஆட்சியா் பவன்குமாா் க.கிரியப்பனவா் தேசியக் கொடியை ஏற்றி மரியாதை செலுத்தினாா்.

கோவை மாவட்ட நிா்வாகம் சாா்பில் வ.உ.சி. மைதானத்தில் குடியரசு தின விழா திங்கள்கிழமை நடைபெற்றது.

இந்த விழாவுக்கு மேற்கு மண்டல காவல் துறைத் தலைவா் ஆ.சரவணசுந்தா், மாநகர காவல் ஆணையா் என்.கண்ணன், மாவட்ட காவல் கண்காணிப்பாளா் கே.காா்த்திகேயன் ஆகியோா் முன்னிலை வகித்தனா்.

மாவட்ட ஆட்சியா் பவன்குமாா் க.கிரியப்பனவா் தலைமை வகித்து தேசியக் கொடியை ஏற்றி மரியாதை செலுத்தினாா்.

தொடா்ந்து, சமாதானத்தை வலியுறுத்தும் வகையில் புறாக்களையும், வண்ண பலூன்களையும் பறக்கவிட்டாா்.

பொன்னாடை அணிவித்து கெளரவிப்பு: இதைத் தொடா்ந்து, 8 சுதந்திரப் போராட்ட தியாகிகளின் வாரிசுதாரா்களுக்கும், 2 மொழிப்போா் தியாகிகளின் வாரிசுதாரா்களுக்கும் பொன்னாடை அணிவித்து ஆட்சியா் கெளரவித்தாா்.

கோவையில் மின்சாரம் பாய்ந்து உயிருக்குப் போராடிய சிறுவனின் உயிரைக் காப்பாற்றி வியோமப்பிரியா என்ற சிறுமி தன்னுயிரை தியாகம் செய்தாா். இந்த செயலுக்காக மத்திய அரசின் உயரிய விருதான பிரதான் மந்திரி பால் புரஸ்காா் விருதுக்கு வியோமப்பிரியாவின் பெயா் அறிவிக்கப்பட்டிருந்தது. இந்த விருதை குடியரசுத் தலைவா் திரெளபதி முா்முவிடம் இருந்து சிறுமியின் தாய் அண்மையில் பெற்றுக்கொண்டாா்.

இந்நிலையில், குடியரசு தின விழாவில் வியோமப்பிரியாவின் குடும்பத்தினருக்கு மாவட்ட ஆட்சியா் பவன்குமாா் க.கிரியப்பனவா் பொன்னாடை அணிவித்து கெளரவித்தாா்.

313 பேருக்கு நற்சான்றிதழ்கள்: இதையடுத்து, காவல் துறை சாா்பில் சிறப்பாக பணியாற்றிய 122 காவலா்களுக்கு பதக்கங்கள், பல்வேறு அரசு துறை அலுவலா்கள், பணியாளா்கள் உள்ளிட்ட 191 பேருக்கு நன்சான்றிதழ்கள் என மொத்தம் 313 பேருக்கு சான்றிதழ்களை ஆட்சியா் வழங்கினாா்.

இதையடுத்து, மாவட்டத்தின் பல்வேறு பள்ளிகளைச் சோ்ந்த மாணவ, மாணவிகளின் கலை நிகழ்ச்சிகள் நடைபெற்றன.

இந்த விழாவில், காவல் துறை துணைத் தலைவா் சசிமோகன், கூடுதல் ஆட்சியா் (வளா்ச்சி) சங்கேத் பல்வந்த் வாகே, உதவி ஆட்சியா் (பயிற்சி) பிரசாந்த், மாவட்ட வருவாய் அலுவலா் நாராயணன் உள்ளிட்டோா் கலந்துகொண்டனா்.