மதுக்கடை அமைக்க எதிர்ப்பு: கருப்புக் கொடி ஏற்றிப் போராட்டம்

பொள்ளாச்சி அருகே, ஒடையகுளத்தில் குடியிருப்புப் பகுதியில் மதுக்கடை அமைப்பதற்கு எதிர்ப்பு தெரிவித்து பொதுமக்கள் வீடுகளில் கருப்புக் கொடி ஏற்றி, முற்றுகைப் போரட்டத்தில் திங்கள்கிழமை ஈடுபட்டனர்.

 பொள்ளாச்சியை அடுத்த ஆனைமலை, ஒடையகுளம், அசோக் நகரில் 200-க்கும் அதிகமான வீடுகள் உள்ளன. இந்தப் பகுதிக்கு அருகில் பிரசித்தி பெற்ற அழுக்குசாமி கோயில், அரசுப் பள்ளி போன்றவை உள்ளன. இந்நிலையில், அசோக் நகர் குடியிருப்புப் பகுதி அருகே மதுக்கடை அமைக்கும் பணியில் அதிகாரிகள் ஈடுபட்டு வருகின்றனர்.

 இதற்கு எதிர்ப்பு தெரிவித்து, அப்பகுதி மக்கள் செப்டம்பர் 7-ஆம் தேதி பொள்ளாச்சி சார்-ஆட்சியரிடம் புகார் மனு அளித்திருந்தனர். இருப்பினும், அந்த இடத்தில் மதுக் கடை அமைப்பதற்கான பணிகள் நடைபெற்று வருவதையடுத்து, பொதுமக்கள் திங்கள்கிழமை தங்களது வீடுகளில் கருப்புக் கொடி கட்டி எதிர்ப்பு தெரிவித்தனர். மேலும்,  இதற்கு கண்டனம் தெரிவித்து அப்பகுதியில் சுவரொட்டிகளும் ஒட்டப்பட்டுள்ளன. தொடர்ந்து, மாணவர்கள், பொதுமக்கள் மதுக்கடை அமைக்கப்படவுள்ள இடத்தை முற்றுகையிட்டு போராட்டம் நடத்தி. மேலும், இதுகுறித்து, ஆட்சியரிடமும் அப்பகுதி மக்கள் புகார் மனு அளித்துள்ளனர்.