அஞ்சல்துறை குறைதீர்க் கூட்டம்

கோவை மண்டல அளவிலான அஞ்சல்துறை பயன்பாட்டாளர் குறைதீர்க் கூட்டம் வரும் 30-ஆம் தேதி நடைபெறுகிறது.

இதுகுறித்து அஞ்சல்துறை சார்பில் வெளியிட்ட அறிக்கை:

கோவை மண்டல அளவிலான அஞ்சல்துறை பயன்பாட்டாளர் குறைதீர்க் கூட்டம் வரும் 30-ஆம் தேதி கோவை, ஆர்.எஸ்.புரத்தில் உள்ள மேற்கு மண்டல பொதுத் தலைமை அஞ்சல் அதிகாரி அலுவலகத்தில் காலை 11 மணிக்கு நடைபெறுகிறது.

இதில் அஞ்சல்துறை பயன்பாட்டாளர்கள் நேரில் கலந்து கொண்டு அஞ்சல்துறை சேவைகள் தொடர்பான தங்களது குறைகள், புகார்களைத் தெரிவிக்கலாம். புகார்களை அஞ்சல் மூலமாக அனுப்ப விரும்புவோர் வரும் 28-ஆம் தேதிக்குள் அனுப்ப வேண்டும். அதில் புகார் குறித்த முழுத் தகவல்களுடன், புகார்தாரரின் முழு முகவரி குறிப்பிட்டிருக்க வேண்டும். உரிய கால நேரத்துக்குள் கிடைக்கும் வகையில், கடிதத்தின் மேல் அஞ்சல் பயன்பாட்டாளர் குறைதீர்க் கூட்டம் என குறிப்பிட்டு, உதவி அஞ்சல் துறை இயக்குநர், பொதுத் தலைமை அஞ்சல் அதிகாரி அலுவலகம், மேற்கு மண்டலம், கோவை-641 002 என்ற முகவரிக்கு அனுப்பி வைக்க வேண்டும் என்று தெரிவிக்கப்பட்டுள்ளது.