அனைத்திந்திய இளைஞர் பெருமன்றத்தினர் ஆர்ப்பாட்டம்

திருச்செங்கோடு டி.எஸ்.பி. விஷ்ணுபிரியா தற்கொலை வழக்கு விசாரணையை சிபிஐ வசம் ஒப்படைக்கக்கோரி, அனைத்திந்திய இளைஞர் பெருமன்றம் சார்பில் கோவையில் சனிக்கிழமை ஆர்ப்பாட்டம் நடைபெற்றது.

கோவை தெற்கு வட்டாட்சியர் அலுவலகம் எதிரே நடைபெற்ற இந்த ஆர்ப்பாட்டத்துக்கு அமைப்பின் செயலர் வே.வசந்தகுமார் தலைமை வகித்தார். பொருளாளர் பி.ஆர்.வேலு, துணைத் தலைவர்கள் கே.சி.மூர்த்தி, பி.கீர்த்திநாதன் ஆகியோர் முன்னிலை வகித்தனர்.

இதில், இளைஞர் பெருமன்றத் தலைவர் மு.வ.கல்யாணசுந்தரம் கண்டன உரையாற்றினார். அவர் பேசுகையிஸ், தமிழகத்தில் அரசு ஊழியர்கள், காவல்துறையில் பணியாற்றுவோரை சுதந்திரமாகப் பணியாற்ற அரசு அனுமதிக்க வேண்டும். காவலர்களின் குறைகளை முறையிட்டுத் தீர்வு காண, நீதிபதி தலைமையில் தனி அமைப்பு ஒன்றை ஏற்படுத்த வேண்டும். திருச்செங்கோடு டி.எஸ்.பி. விஷ்ணுபிரியா தற்கொலை வழக்கை சி.பி.ஐ. வசம் ஒப்படைக்க வேண்டும் என்றார். ஆர்ப்பாட்டத்தில் இளைஞர் பெருமன்றத் துணைச் செயலர் என்.கணேசமூர்த்தி உள்ளிட்ட பலர் கலந்து கொண்டனர்.