கோவையில் மாநில தகவல் ஆணையர்கள் விசாரணை

கோவை மாவட்டத்தில் நிலுவையில் உள்ள மனுக்கள் குறித்து மாநில தகவல் ஆணையர்கள் வியாழக்கிழமை விசாரணை நடத்தினர்.

 கோவை மாவட்ட ஆட்சியர் அலுவலகத்தில், தமிழ்நாடு மாநில தகவல் ஆணையர்கள் கிறிஸ்டோபர் நெல்சன், பி.தமிழ்செல்வன், ஜி.முருகன் ஆகியோர் தகவல் அறியும் உரிமைச் சட்டம் 2005 இன் கீழ் விசாரணை மேற்கொண்டனர்.

 இதில், தகவல் உரிமைச் சட்டத்தின் கீழ் பெறப்பட்ட மனுக்களின் மனுதாரர்கள்,  பல்வேறு அரசுத் துறைகளைச் சேர்ந்த பொதுத் தகவல் அலுவலர்கள், மேல்முறையீட்டு அலுவலர்கள் ஆகியோரிடம் விசாரணை மேற்கொள்ளப்பட்டது. அப்போது, 50-க்கும் மேற்பட்ட மனுக்கள் மீது தகவல் ஆணையர்கள் தீர்ப்பு அளித்தனர்.