இரு சக்கர வாகனத்தில் சென்றவர் கார் மோதி சாவு

சூலூர் அருகே இரு சக்கர வாகனத்தில் சென்றவர் கார் மோதி பலியானார். 
சூலூரை அடுத்த முத்துகவுண்டன் புதூர் பகுதியைச் சேர்ந்தவர் மாரிமுத்து (42). இதே பகுதியில் உள்ள தனியார் நிறுவனத்தில் வேலை செய்து வந்தார். 
கடந்த 12 ஆம் தேதி இரவு  வேலை முடிந்து தனது இரு சக்கர வாகனத்தில் சூலூர் பிரிவு அருகே சென்று கொண்டிருந்தார். 
அப்போது  எதிரே வந்த ஆம்னி வேன் மோதியதில் படுகாயம் அடைந்தார். அருகில் இருந்தவர்கள் அவரை மீட்டு கோவை அரசு மருத்துவமனையில் சேர்த்தனர். அங்கு செவ்வாய்கிழமை இரவு  உயிர் இழந்தார். இதுகுறித்து சூலூர் போலீஸார் வழக்குப் பதிவு செய்து விசாரித்து வருகின்றனர்.