நாடாளுமன்ற தேர்தலில் பா.ஜ.க.  பலமான கூட்டணி அமைக்கும்

வரும் நாடாளுமன்றத் தேர்தலில் தமிழகத்தில் பா.ஜ.க.  பலமான கூட்டணி அமைத்து போட்டியிடும் என மத்திய கயிறு வாரியத் தலைவர் சி.பி.ராதாகிருஷ்ணன் கூறினார். 
சூலூர் அருகே பாப்பம்பட்டியில் நடைபெற்ற சுதந்திர தின நிகழ்ச்சியில் இந்திய கயிறு வாரியத் தலைவர் சி.பி. ராதாகிருஷ்ணன் புதன்கிழமை பங்கேற்றார். அங்கு சாய்பாபா கோயிலுக்கு அடிக்கல் நட்டினார்.விழாவில் கயிறுவாரிய இயக்குநர் மோகன்மந்திராசலம் கலந்துகொண்டார்.  அதன்பின் செய்தியாளர்களிடம் சி.பி. ராதாகிருஷ்ணன் கூறியதாவது: 
வரும் நாடாளுமன்றத் தேர்தலில் தமிழகத்தில் பா.ஜ.க. பலமான கூட்டணி அமைத்து போட்டியிடும். மத்திய அரசு ஏழை மக்களுக்கு இலவச காஸ் இணைப்பு, இலவச மருத்துவக் காப்பீடு திட்டங்களை செயல்படுத்துகிறது.
தென்னை நாரை பயன்படுத்தி மதிப்புக்கூட்டும் பொருள்களை கயிறு வாரியம் செய்துவருகிறது. ரூ.2,535 கோடி அளவுக்கு கயிறு பொருள்கள் வெளிநாடுகளுக்கு ஏற்றுமதி செய்யப்பட்டுள்ளது. 
அடுத்த ஐந்து ஆண்டுகளில் இந்த ஏற்றுமதி இலக்கு ரூ.20 ஆயிரம் கோடியாக அதிகரிக்க திட்டமிடப்பட்டுள்ளது என்றார்.