இரு சக்கர வாகனம் மோதி லாரி உரிமையாளர் சாவு

சூலூரை அடுத்த கணியூரில் இரு சக்கர வாகனம் மோதியதில் லாரி உரிமையாளர் பலியானார். 
ஆந்திர மாநிலம், பொதிதி என்ற ஊரைச் சேர்ந்தவர் பாஷா (72). இவர் சொந்தமாக லாரி வைத்துள்ளார்.  குண்டூர் மாவட்டத்தைச் சேர்ந்த சீனிவாசராவ் என்பவர் ஓட்டுநராக வேலை செய்கிறார். இவர்கள் கணியூர் சுங்கச்சாவடி அருகே கடந்த வெள்ளிக்கிழமை லாரியை நிறுத்தியுள்ளனர்.  அப்போது லாரியில் இருந்து இறங்கி பாஷா பின்புறம் சென்றதாகத் தெரிகிறது. அப்போது அவ்வழியே வந்த இரு சக்கர வாகனம் அவர் மீது மோதியது. இதில் படுகாயம் அடைந்த அவரை மருத்துவமனைக்கு கொண்டு செல்லும் வழியில் இறந்தார். இதுகுறித்து கருமத்தம்பட்டி போலீஸார் விசாரித்து வருகின்றனர்.