அன்னூரில் சாலை மறியல்

டிராக்டர் ஓட்டுநர் தாக்கப்பட்ட வழக்கில் அன்னூர் போலீஸார் வழக்குப் பதிவு செய்யாததைக் கண்டித்து தலித் அமைப்பினர் புதன்கிழமை சாலை மறியலில் ஈடுபட்டனர்.
அன்னூரை அடுத்த கணுவக்கரை பகுதியைச் சேர்ந்தவர் ராமன் மகன் மணிகண்டன் (25),  டிராக்டர் ஓட்டுநராக உள்ளார். இவரை கடந்த 21ஆம் தேதி ஒரு  தரப்பினர் தாக்கியதாகக் கூறி கோவை அரசு மருத்துவமனையில் சிகிச்சை பெற்று வந்தார். இதுகுறித்துஅன்னூர் காவல் நிலையத்தில் புகார் அளித்துள்ளனர். 
போலீஸார் வழக்குப் பதிவு செய்வதில் காலதாமதம் செய்வதாக கூறி தலித் அமைப்பினர் அன்னூர் பயணியர் மாளிகை முன்பு புதன்கிழமை சாலை மறியலில் ஈடுபட்டனர். இதையடுத்து கருநத்தம்பட்டி டி.எஸ்.பி பாஸ்கரன், அன்னூர் ஆய்வாளர் வெங்கடேசன் உள்ளிட்டோர் போராட்டத்தில் ஈடுபட்டவர்களிடம் புகார் குறித்து விசாரணை செய்து நடவடிக்கை எடுப்பதாகக் கூறினர். இதையடுத்து பேராட்டத்தை கைவிட்டு அனைவரும் கலைந்து சென்றனர்.