பேருந்தில் முதியவரிடம் 10 பவுன் நகை திருட்டு

பேருந்தில் பயணம் செய்த முதியவரிடம் இருந்து 10 பவுன் நகையை திருடிச் சென்ற நபர்களை போலீஸார் தேடி வருகின்றனர்.
 திருப்பூர் மாவட்டம், உடுமலைப்பேட்டை ஆர்.வேலூர் பகுதியைச் சேர்ந்தவர் துரைராஜ் (74). இவர் கோவையில் உள்ள தனியார் கண் மருத்துவமனையில் சிகிச்சை பெற செவ்வாய்க்கிழமை பேருந்தில் கோவைக்கு வந்துள்ளார். பின்னர் உக்கடத்தில் இறங்கி பேருந்து மூலம் பீளமேடு அவிநாசி சாலையில் உள்ள மருத்துவமனைக்குச் சென்றுள்ளார்.  பின்னர் மருத்துவமனை பேருந்து நிறுத்தத்தில் இறங்கிய துரைராஜ் தான் கொண்டு வந்த பையை சரிபார்த்துள்ளார். அப்போது, அதில் வைத்திருந்த 10 பவுன் நகையை மர்மநபர்கள் திருடிச் சென்றது தெரியவந்தது. இதுகுறித்து துரைராஜ் அளித்த புகாரின் பேரில் பீளமேடு போலீஸார் வழக்குப்பதிவு செய்து நகையை திருடிச் சென்ற மர்மநபர்களை தேடி வருகின்றனர்.