போதையில் ரகளை: வாலிபர்கள் கைது

கோவை விமான நிலையம் அருகில் போதையில் பொதுமக்களிடம் ரகளையில் ஈடுபட்ட 2 வாலிபர்களை போலீஸார் கைது செய்தனர்.
திருப்பூர் எஸ்.ஆர். நகரைச் சேர்ந்த மாரப்பசாமி மகன் மகேஷ் (23), திருப்பூர் நல்லம்பாளையத்தைச் சேர்ந்த தங்கவேல் மகன் ஹரி (24). இவர்கள் இருவரும் கோவை விமான நிலையம் அருகே கொடிசியா சந்திப்பில் செவ்வாய்க்கிழமை இரவு 2 மணியளவில் போதையில் பொதுமக்களுக்கு இடையூறு ஏற்படுத்தும் வகையில் ரகளையில் ஈடுபட்டனர். 
இதையடுத்து பீளமேடு போலீஸார் இருவரையும் கைது செய்தனர்.