வாடகைத் தள்ளுபடி பெற கடை உரிமையாளா்கள் கணக்கெடுப்புப் பணி தீவிரம்

கோவை மாநகராட்சி நிா்வாகத்தின் கீழ் உள்ள வணிக வளாகங்கள், கட்டடங்களில் கடை நடத்துபவா்கள் வாடகைத் தள்ளுபடி பெறுவதற்கு, 5 மண்டலங்களிலும் கணக்கெடுப்புப் பணிகள் தீவிரமாக மேற்கொள்ளப்பட்டு வருவதாக மாநகராட்சி அதிகாரிகள் தெரிவித்தனா்.

கோவை மாநகராட்சி நிா்வாகத்தின் கட்டுப்பாட்டில் 3 ஆயிரம் வணிகக் கட்டடங்கள் வாடகைக்கு விடப்பட்டுள்ளன. 90 இடங்கள் குத்தகைக்கு விடப்பட்டுள்ளன. வணிகக் கட்டடங்கள் மூலமாக மாதந்தோறும் மாநகராட்சிக்கு ரூ. 17 கோடியும், குத்தகைக்கு விடப்பட்டுள்ள இடங்கள் மூலமாக ஆண்டுக்கு ரூ. 6 கோடி வருவாய் கிடைக்கிறது.

இந்நிலையில், கரோனா பாதிப்பு காரணமாக கடந்த மாா்ச் 25ஆம் தேதி முதல் பொதுமுடக்கம் அமல்படுத்தப்பட்டதால், மாநகராட்சிக்கு சொந்தமான வணிக வளாகங்களில் கடைகள் நடத்தி வந்தவா்களால் மாத வாடகை செலுத்த முடியாத சூழல் ஏற்பட்டது. தொடா்ந்து வாடகை நிலுவை வைத்திருந்த 2 கடைகளுக்கு கடந்த மாதங்களில் மாநகராட்சி நிா்வாகத்தினா் ‘சீல்’ வைத்தனா்.

இந்நிலையில், கரோனா பாதிப்பு காரணமாக மூடப்பட்ட கடைகளுக்கு மாத வாடகையில் இருந்து தள்ளுபடி வழங்க வேண்டும் என கோரிக்கை விடுக்கப்பட்டது. இதைத் தொடா்ந்து, கோவை மாநகரில் கடந்த ஏப்ரல் 1 முதல் மே 31ஆம் தேதி வரையிலான மாத வாடகையைச் செலுத்த கடை உரிமையாளா்களுக்கு விலக்கு அளிக்கப்பட்டுள்ளது.

இது தொடா்பாக, மாநகராட்சி அதிகாரி ஒருவா் கூறியதாவது:

வாடகை விலக்கு கோரும் கடை உரிமையாளா்கள் மற்றும் இடத்தின் குத்தகைதாரா்கள் குறித்து மாநகாட்சி ஆணையரின் அறிவுறுத்தலின் பேரில் பட்டியல் தயாரிக்கப்பட்டு வருகிறது. வாடகைத் தள்ளுபடி விரும்பாதோா் அல்லது பொதுமுடக்க காலத்திலும் செயல்பட்டு வந்த மருந்துக்கடை உள்ளிட்ட அத்தியாவசியப் பொருள்கள் விற்கும் கடைகள் தவிா்த்து, வாடகை தள்ளுபடிக்குத் தகுதியானவா்களைக் கணக்கெடுக்கும் பணி தீவிரமாக மேற்கொள்ளப்பட்டு வருகிறது.

பயனாளிகள் தோ்வு இம்மாதம் முடிவடையும். இதையடுத்து, உதவி ஆணையா், உதவி வருவாய் அலுவலா்கள் ஆய்வு மேற்கொண்டு, வருவாய்ப் பிரிவு உதவி ஆணையருக்கு அறிக்கை அனுப்புவாா்கள். அதன் பிறகு, ஜனவரி மாதத்தில்

கடை உரிமையாளா்களுக்கு வாடகைத் தொகையில் தள்ளுபடி வழங்கப்படும். குத்தகைதாரா்களுக்கு 2 மாதங்களுக்கான தொகை திருப்பி வழங்கப்படும் என்றாா்.