சுகாதாரச் சீா்கேடு: கடை உரிமையாளருக்கு ரூ.5 ஆயிரம் அபராதம்

கோவை மாநகராட்சி கிழக்கு மண்டலத்தில் சுகாதாரச் சீா்கேடு ஏற்படும் விதமாக பொருள்களை கொட்டி வைத்திருந்த கடை உரிமையாளருக்கு ரூ. 5 ஆயிரம் அபராதம் விதிக்கப்பட்டது.

கோவை மாநகராட்சிப் பகுதிகளில் கரோனா முன்னெச்சரிக்கை பணிகள் தீவிரமாக மேற்கொள்ளப்பட்டு வரும் நிலையில், கரோனா விதிமீறும் கடைகளுக்கு அபராதம் விதிக்கப்பட்டு வருகிறது. இந்நிலையில், மாநகராட்சி கிழக்கு மண்டலம் 32ஆவது வாா்டுக்கு உள்பட்ட விளாங்குறிச்சி, மருதம் நகா் பகுதிகளில் மாநகராட்சி அதிகாரிகள் வெள்ளிக்கிழமை ஆய்வு மேற்கொண்டனா்.

அப்போது, அந்தப் பகுதியில் உள்ள ஒரு கடை உரிமையாளா் இரும்பு மற்றும் நெகிழிப் பொருள்களை சாலையோரத்தில் கொட்டி ைவைத்திருந்தாா். மேலும், சாக்கடைக் கால்வாயில் நீா் செல்லாதவாறு, சுகாதாரச் சீா்கேடு ஏற்படும் விதமாக பொருள்கள் போடப்பட்டிருந்தன. இதைப் பாா்த்த மாநகராட்சி அதிகாரிகள், கடை உரிமையாளருக்கு ரூ.5 ஆயிரம் அபராதம் விதித்தனா்.