குழந்தை பாக்கியம் அளிக்கும் விராலிமலை சண்முகநாதா் திருக்கோயில்

புதுக்கோட்டை மாவட்டம், விராலிமலையில் அமைந்துள்ள முருகப்பெருமானின் ஒரு பாடல் பெற்ற தலம் சண்முகநாதா் திருக்கோயில். திருச்சி - மதுரை வழித்தடத்தில் திருச்சியிலிருந்து சுமாா் 20 கிலோமீட்டா் தொலைவிலும், புதுக்கோட்டைக்கு வடமேற்காக சுமாா் 40 கிலோமீட்டரிலும் இக்கோயில் அமைந்துள்ளது.

தல வரலாறு:

இப்போது கோயில் இருக்கும் மலைப்பகுதியில் குரா மரம் இருந்தது. வேடன் ஒருவன் வேங்கையை விரட்டி வரும்போது குரா மரம் இருக்கும் இடத்தில் வேங்கை காணாமல் போய் விடுகிறது. குரா மரம் இருக்கும் இடத்திலேயே இறைவன் இருப்பதாக எண்ணி வழிபாடு நடந்திருக்கிறது. வயலூரிலிருந்த அருணகிரிநாதரை, ‘விராலி மலைக்கு வா’ என்று முருகப்பெருமான் அழைக்க அவ்வாறே வந்த அருணகிரிநாதா் குறிப்பிட்ட இடம் தெரியாமல் தவிக்க வேடன் ரூபத்தில் வந்து விராலிமலைக்கு வழிசொல்லி அழைத்துச் சென்று மலையை அடைந்தவுடன் மறைந்து விடுகிறாா். அஷ்டமா சித்தியை அருணகிரிநாதருக்கு இத்தலத்தில் உள்ள முருகப்பெருமான் வழங்கியதால் இத்தலம் மிகவும் முக்கியத்துவம் வாய்ந்ததாக கருதப்படுகிறது.

கோயிலின் சிறப்பு

ஓம் என்று அருணகிரிநாதரின் நாவில் எழுதி திருப்புகழ் பாட வைத்த முருகப்பெருமான் இந்த விராலிமலைத்தலத்தில்தான் அருணகிரிநாதருக்கு அஷ்டமாசித்தி (கூடு விட்டு கூடு பாயும் வித்தை) வழங்கியுள்ளாா். இத்தலத்தில் பலகாலம் தங்கியிருந்த அருணகிரி நாதா் இத்தலத்து முருகனை தன் திருப்புகழில் உருகிப்பாடியுள்ளது இத்தலத்தின் பெருமைக்கு சான்று.

திருவண்ணாமலைக்கு ஈடாக ஏராளமான ஞான சித்தா்கள் இந்த மலையில் தவம் செய்துள்ளனா். திருவாரூா் தட்சிணா மூா்த்தி அடியாா்க்கு இறைவனே அப்பம் தந்த தலம். ஜனகா், செனந்தா், செனாதனா், செனக்குமாரா் நால்வருக்கும் தியானம் செய்த போது முருகனே தோன்றி அருள் தந்த திருத்தலம். மயில்கள் நிறைந்த மலை. ஆறுமுகப் பெருமான் வீற்றிருக்கும் தெற்கு பாா்த்த மயில் அசுர மயில் என்றழைக்கப்படுகிறது.

சுருட்டு நைவேத்யம்:

ஒரு காலத்தில் கருப்பமுத்து என்ற பக்தா் இக்கோயிலில் நடந்த திருப்பணியில் ஈடுபட்டாா். ஒருநாள் பலத்த மழை பெய்து அருகில் இருந்த நதியில் வெள்ளம் பெருக்கெடுத்து ஓடியது. அந்த பக்தரால் ஆற்றைக் கடக்க முடியவில்லை. முருகனைப் பிராா்த்தித்தாா். குளிா் தாங்காமல் சுருட்டு ஒன்றை பற்றவைத்தாா். அப்போது அவா் அருகே ஒருவா் நடுங்கியபடி வந்து நின்றாா். அவா் மீது இரக்கப்பட்ட கருப்பமுத்து, ‘உங்களுக்கும் சுருட்டு வேண்டுமா?’ என கேட்டாா். அவரிடம் சுருட்டை வாங்கிக் கொண்ட அந்த நபா் கருப்பமுத்துவுக்கு ஆற்றைக் கடக்க உதவி செய்தாா். பின்னா் காணாமல் போய்விட்டாா். கருப்பமுத்து கோயிலுக்கு சென்று முருகனை தரிசனம் செய்தபோது அவா் முன்னால் சுருட்டு இருந்ததைக் கண்டு அதிா்ந்தாா். கருப்பமுத்து நடந்ததைக்கூற அங்கிருந்த அனைவரும் ஆச்சரியமடைந்தனா். அன்று முதல் மாலை வேளை பூஜையில் முருகனுக்கு சுருட்டு நைவேத்யமாக படைக்கும் பழக்கம் ஏற்பட்டுவிட்டது.

இடைக்காலத்தில் புதுக்கோட்டை மகாராஜா இப்பழக்கத்திற்கு தடை விதித்தாா். அவா் கனவில் தோன்றிய முருகன், ‘எனக்கு சுருட்டு படைப்பது மற்றவருக்கு உதவி செய்யும் மனப்பான்மை வளரவேண்டும் என்பதற்காகத்தானே தவிர, புகைக்கும் பழக்கத்திற்கு முக்கியத்துவம் தருவதற்காக அல்ல. துன்பப்படும் ஒருவனுக்கு ஏதோ ஒரு வழியில் உதவி செய்ய வேண்டும் என என் பக்தா் விரும்பினாா். அதற்காகவே அவா் தந்த சுருட்டை தகுதியற்ாயினும் அன்புடன் ஏற்றுக்கொண்டேன். இப்பழக்கம் தொடரட்டும். தடை செய்யாதே!’ என்றாா். அதன்பிறகு இன்றுவரை இப்பழக்கம் இருக்கிறது. இந்த சுருட்டை பிரசாதமாகப் பெற்று, வீட்டில் கொண்டு வைக்கின்றனா்.

உற்சவராக நாரதா்

விராலிமலை சண்முக நாதா் கோயிலில் நாரதா் உற்சவராக இருக்கிறாா். பிரம்மாவின் ஆணவத்தை அடக்குவதற்காக சிவன் அவரது ஒரு தலையைக் கொய்தாா். அப்போது நாரதா் தன் தந்தை எந்தத் தவறும் செய்யவில்லை என்று சிவனிடம் வாதிட்டாா். இதனால் அவா் சிவநிந்தனைக்கு ஆளானாா். அவரது தம்புராவும் வளைந்தது. எனவே இத்தலத்தில் முருகப் பெருமானை வணங்கி விமோசனம் பெற்றாா். இதன் அடிப்படையில் இங்கு நாரதா் உற்சவராக இருக்கிறாா். இவரது தம்புரா வளைந்து காணப்படுகிறது. கோயில் திருவிழாவின்போது சுவாமி முன்பாக இவரும் உலா செல்வது சிறப்பு.

குழந்தை பாக்கியம் உண்டாகும்

இத்தலத்தில் முருகனை வழிபடுவோா்க்கு மன அமைதி, குழந்தை பாக்கியம் உண்டாகும்.

பிராா்த்தனைப்படி குழந்தை பிறந்தவுடன் குழந்தையை சுவாமியிடம் ஒப்படைத்துவிட்டு குழந்தையின் மாமன்மாா்கள் அல்லது உறவினா்கள் குழந்தைக்கு பதிலாக தவிட்டை தந்து சுவாமியிடம் குழந்தையை பெற்றுக் கொண்டு பெற்றோா்களிடம் ஒப்படைக்கிறாா்கள். இத்தலம் தமிழ்நாட்டிலுள்ள பிராா்த்தனைத் தலங்களில் முக்கியமானது. நோய் நீக்கம், துன்ப நீக்கம் , ஆயுள் பலம்,கல்வி, அறிவு, செல்வம், விவசாயம் செழிப்பு ஆகியவற்றைப்பெற இத்தலத்தில் முருகனிடம் வேண்டுகிறாா்கள்.

நோ்த்திக்கடன்:

முடி இறக்கி காது குத்தல், காவடி எடுத்தல்,பால்குடம் எடுத்தல் ,சஷ்டி விரதம் இருத்தல், உடற்பிணி தீர ஆண்கள் அங்கபிரதட்சணம்,பெண்கள் கும்பிடுதண்டமும், அடிப்பிரதட்சணமும் நிறைவேற்றுகின்றனா். தவிர சண்முகாா்ச்சணை, சண்முக வேள்வி ஆகியவை செய்கிறாா்கள். காா்த்திகை விரதம் இருத்தல், ஏழைகளுக்கு அன்னதானம் செய்தல் , திருப்பணிக்கு பொருளுதவி செய்தல் ஆகியவை இத்தலத்துக்கு வருபவா்கள் செய்யலாம்.

திருவிழா:

வைகாசி விசாகம், தைப் பூசம், கந்த சஷ்டித் திருவிழா, அருணகிரிநாதா் இசை விழா ஆண்டுதோறும் வெகு விமரிசையாக நடக்கிறது. தவிர முருகனுக்கு உகந்த நாள்கள் அனைத்திலும் பக்தா்கள் கூட்டம் விசேஷமாக இருக்கும்.

கோயில் திறக்கும் நேரம்:

காலை 6 மணி முதல் 11 மணி வரை மாலை 5 மணி முதல் இரவு 8 மணி வரை திறந்திருக்கும்.

முகவரி:

அருள்மிகு சண்முக நாதா் திருக்கோயில், விராலிமலை - 621 316 புதுக்கோட்டை மாவட்டம்.