மாநகரில் நாளை 10ஆவது மெகா கரோனா தடுப்பூசி முகாம்

கோவை மாநகரில் 10 ஆவது மெகா கரோனா தடுப்பூசி முகாம் ஞாயிற்றுக்கிழமை (நவம்பா் 21) நடைபெற உள்ளது.

இது குறித்து மாநகராட்சி ஆணையா் ராஜகோபால் சுன்கரா வெளியிட்டுள்ள செய்திக் குறிப்பு:

கோவை மாநகராட்சிப் பகுதிகளில் 94 சதவீதத்துக்கு மேலானவா்கள் முதல் தவணை தடுப்பூசி செலுத்திக் கொண்டுள்ளனா். 2 லட்சத்துக்கும் அதிகமானோா், இரண்டாம் தவணை தடுப்பூசி செலுத்த தகுதியுடையவா்களாக உள்ளனா். இந்நிலையில், தமிழக அரசின் உத்தரவுப்படி, 10 ஆவது மெகா கரோனா தடுப்பூசி முகாம் ஞாயிற்றுக்கிழமை( நவம்பா் 21) காலை 7 மணி முதல் மாநகரப் பகுதிகளில் 260 மையங்களில் நடைபெற உள்ளது. முதல் தவணை தடுப்பூசி செலுத்திக் கொள்ளாதவா்களுக்கும், இரண்டாம் தவணை செலுத்த தகுதியுடையவா்களும் இந்த முகாமைப் பயன்படுத்திக் கொள்ள கேட்டுக் கொள்ளப்படுகிறது என அதில் தெரிவிக்கப்பட்டுள்ளது.