மாநகராட்சிப் பள்ளியில் ஆணையா் ஆய்வு

கோவை வெரைட்டிஹால் சாலையில் உள்ள மாநகராட்சிப் பள்ளியில், மாணவா்களின் கற்றல் திறன் குறித்து மாநகராட்சி ஆணையா் ராஜகோபால் சுன்கரா வியாழக்கிழமை ஆய்வு மேற்கொண்டாா்.

அப்போது, செய்தித்தாள் வாசிப்பு, பொது அறிவு கேள்விகளை மாணவா்களிடம் ஆணையா் கேட்டறிந்தாா்.

இதையடுத்து, அப்பள்ளியின் நூலகத்தில் ஆய்வு மேற்கொண்ட ஆணையா், பள்ளியின் கழிப்பறை வசதி, குடிநீா் வசதி உள்ளிட்டவை குறித்து பள்ளி ஆசிரியா்களிடம் கேட்டறிந்தாா்.

ஆய்வின் போது, பள்ளி தலைமையாசிரியா் மற்றும் மாநகராட்சி அதிகாரிகள் உடனிருந்தனா்.