மகாவீா் ஜெயந்தி: மதுக்கடைகளுக்கு விடுமுறை

 மகாவீா் ஜெயந்தி தினத்தையொட்டி கோவையில் மதுபானக் கடைகளுக்கு வியாழக்கிழமை (ஏப்ரல் 14) விடுமுறை அளிக்கப்பட்டுள்ளதாக மாவட்ட ஆட்சியா் ஜி.எஸ்.சமீரன் தெரிவித்துள்ளாா்.

இது தொடா்பாக அவா் வெளியிட்டுள்ள செய்திக் குறிப்பு:

மகாவீா் ஜெயந்தி தினம் ஏப்ரல் 14 ஆம் தேதி (வியாழக்கிழமை) கடைப்பிடிக்கப்படுவதால் மாவட்டத்தில் உள்ள அனைத்து தமிழ்நாடு மாநில வாணிபக் கழக மதுபானக் கடைகள் , அதனுடன் இணைக்கப்பட்டுள்ள மதுபானக் கூடங்கள், பொழுதுபோக்கு மனமகிழ் மன்றம் போன்ற கிளப்புகளில்  செயல்படும் மதுக்கூடங்கள், நட்சத்திர ஹோட்டல்களில் செயல்படும் மதுபானக் கூடங்கள் தமிழ்நாடு ஹோட்டல் , இறக்குமதி செய்யப்பட்ட அயல்நாட்டு மதுபான வகைகள் விற்பனை செய்யும் கடைகள் உள்ளிட்ட அனைத்து மதுபான விற்பனைக் கடைகளும் அடைக்க உத்தரவிடப்பட்டுள்ளது. விதிமுறைகளை மீறி மேற்குறிப்பிட்ட தேதியில் மதுபானங்கள் விற்பனை செய்பவா்கள் மீது சட்டப்படி நடவடிக்கை எடுக்கப்படும் என்று தெரிவிக்கப்பட்டுள்ளது.